Ditzionàriu in línia
de sa limba e de sa cultura sarda

baràtu , agt Definition chi est a prétziu bàsciu, chi costat pagu in dinare Synonyms e antonyms ammingadu | ctr. caru Idioms csn: leare, comporare, bèndhere a su baratu; bèndhere a istracu b. = a sa frundhida, coment'e candho no ndhe cheret prus neunu, de una cosa, e abbàssiant meda su prétziu Sentences picatila totu, sa carchina, ca ti la doe barata! ◊ cosa barata inoghe no che ndh'at 2. su chi li daiant si lu torraiat a bèndhere a su baratu ◊ a su baratu sa zente curret che muschina a su binu! ◊ custus meris bisant trabballadoris a istracu baratu e masedus Etymon spn., ctl. Translations French à bon marché English cheap Spanish barato Italian di mòdico prèzzo German billig.

caminàda , nf Definition su caminare, pentzau coment'e una cosa fata; su tretu fatu camminandho; manera de andhare Synonyms e antonyms andhanta Sentences arratza de caminada chi s'at fatu, totu a pè, deghe chilómitros! 2. sa caminada est longa e nci bolit ora meda 3. fiat bella, cun sa caminada modhi de una bagadia in circa de piciocu Etymon srd. Translations French marche English walk Spanish caminata, paseo Italian camminata German Spaziergang.

culinsécus , nm, avb: culissegus Definition culu in segus, a desegus (chi est sèmpere deasi, ma nau in su sensu de andhare torrandho agoa ma abbaidandho a denanti o parte contrària)/ andhare a c. = torrai acoa Synonyms e antonyms incuadas, palipissegus, sculusculu Etymon srd. Translations French marche arrière English reverse (motion) Spanish marcha atrás Italian retromàrcia German Rückwärtsgang.

fascéllu , nm Definition in is festas, barraca inue bendhent cosa Synonyms e antonyms parada Sentences cíxiri a galiatzu bendint in su fascellu… de sa vida chi fatzu apenadindi, bellu! Translations French marché forain English stall Spanish tenderete, puesto callejero Italian bancarèlla German Verkaufsstand.

iscabéri , nm: iscaleri, scaleri Definition parte de un'iscala manna, a fràigu o de linna, fata de unu paris, istrada o peale, ue si ponet su pei, e de un'artzada totu cantepare po pesare o calare a paris diferentes Synonyms e antonyms grada, iscalina Sentences dona cura ca s'iscala portat un'iscaleri segau! Translations French marche English step Spanish peldaño Italian gradino German Stufe.

iscalína , nf Definition parte de un'iscala manna, a fràigu o de linna, fata de unu paris (istrada, peada) e de un'artzada (isprigu) totu cantepare po pesare o calare a pei a duos paris diferentes Synonyms e antonyms grada, iscaberi, scaloni / ttrs. iscarina 2. b'aiat tres domedhas chi che fint apirpirinadas supra de iscalinas e patiedhos Etymon itl. Translations French marche English step Spanish peldaño Italian scalino German Stufe.

malcàdu , nm: marcadu, melcadu, mercadu, mercatu 1, mercau Definition su bèndhere e comporare cosa; logu, mescamente mannu, inue si bendhet e còmporat cosa; totu sa gente chi còmporat o podet comporare Synonyms e antonyms fiera Sentences sa festa de santu Maru fiat unu logu de reunione e de mercau de una cussòrgia manna de sa Sardigna centrale ◊ creia chi fiast andendi a su mercau a comporai pani! ◊ si fit arressa sa béndhua, bi aiat paga chirca in sos mercados ◊ est coladu a su malcadu a leare pische ◊ bae a su marcadu e còmpora unu chilu de peta e no ti apuntes! Etymon ltn. mercatus Translations French marché English market Spanish mercado Italian mercato German Markt.

màrcia 1 , nf: martza 1 Definition camminada longa e lestra a passu cumandhau (mescamente de militares); genia de mecanísimu chi permitit a is màchinas de cambiare andhadura e de regulare su motore cunforma a s'andhadura; fintzes una genia de cumponimentu musicale Synonyms e antonyms caminada Sentences tandho, a sos sordaos, a denterdie, lis ant imparau a fàchere sa martza ◊ fut unu regimentu chi totu a s'in prus fiat calincuna màrcia Translations French marche, vitesse marche (aut.) English march Spanish marcha Italian màrcia German Marsch.

peganzòlas , nf pl: peiganzolas Definition parte de su telàrgiu ue si ponent is peis po trebballare tessendho artzandhodha e calandhodha cun is peis Synonyms e antonyms càlculas, peanas, pegas, peones, petzana Scientific Terminology ts Translations French marche du métier à tisser English treadle Spanish premidera, cárcola Italian càlcole del telàio German Fußbrett, Webertritt.