Ditzionàriu in línia
de sa limba e de sa cultura sarda

chichirísta , nf: chighirista, chirighista, cigirista, cogorista, cracarista, cragarista, crighirista, crogorista, cruguista, crugurista, cucurista, cugurista, gigirista Definition una genia de pígiu de carre diferente, de atza e totu a bicos, chi creschet in pitzu de sa conca, de longu, a pudhas e mescamente a pudhos; in sa pudatza, atza segante chi essit de su tolu, unu tretu; nau in cobertantza, atza de unu chi foedhat o si cumportat artziandhosiche, unu pagu arrennegandhosi / cragarista de caboni, genias de erba (e frore): Celosia argentea, Amaranthus caudatus / abbacare sa cugurista = menguai o lassai is pretesas Synonyms e antonyms cocorosta, crilta, ogroista, pibirita, proborista / atza, barra Sentences lah, su caboni est a cracarista arrúbia! 3. a s'impiegau ajaja dhi fiat abarrada in faci a chighirista fata ◊ gei est malu a coi, ma ammarolla indugit sa cigirista! ◊ issu no àmpuat mai sa cragarista, tenit una castiada úmili ◊ si dha fatzo passare zeo sa crugurista! Scientific Terminology crn Translations French crête du coq English crest Spanish cresta Italian crésta del gallo German Hahnenkamm.

cocoròsta , nf: cogorosta, corogosta, cucurusta, gorgolostra Definition coment'e unu pígiu de carre diferente e giai sèmpere orrúbia, totu a bicos e chentza pinnias, chi creschet in pitzu de sa conca, de longu, a pudhas e mescamente a pudhos Synonyms e antonyms chichirista, crilta, ogroista, pibirita, proborista / cragarastas Idioms csn: bocare cocorosta = pàrreresi mannu, leare betu de mannos in su cumportamentu; pònnere sa cogorosta (nadu de unu)= crèresi prus de su chi est, fàghere su pazosu; pònnere sa cogorosta a carchi cosa = crèscherela, isazeràrela; cogorostas de pische = is gragastas, itl. brànchie Sentences no si moet de ae corogosta: pro paura s'isméntigat de bolare ◊ sunt a cucurusta arta coment'e pudhos inganios 2. fitza mea fit comintzanne a bocare cocorosta ◊ ndhe at postu de cogorosta dai candho l'ant artziadu in gradu!…(G.Ruju)◊ tue a su ch'intendhes li pones sa cogorosta candho lu torras a nàrrere Scientific Terminology crn Translations French crête du coq English crest Spanish cresta del gallo Italian crésta del gallo German Hahnenkamm.

inchighiristài, inchighiristàre , vrb: incixiristari, incragaristai, increghestare Definition coment'e fàere o artzare sa crogorista, arrennegare, su si crèdere meda, bogare sa conca de su sacu foedhandho cun atza Synonyms e antonyms achibberare, achighiristai, altivai, inchibberare, inchighiridhare / abbetiae, afutare, airai, aorcare, arrabbiai, arrannegai, collobbiare, inchestare, inchietae, inchimerai, incrabudhire, infelai, infuterare, insutzuligai, intziminire, renignai Sentences at rispostu increghestèndhesi ca sos disisvios fint totu solu pro sos zòvanos ◊ mi furia incragaristada ancora de prus e ia crétiu de passai is dis prus orrorosas de sa vida Etymon srd. Translations French se fâcher à mort, remplir d'orgueil, lever la crête English to fret and fume, to make proud, to get cocky Spanish alzar el gallo Italian adirarsi forteménte, insuperbire, alzar la crésta German sich erzürnen, stolz werden, den Kamm schwellen lassen.

raína , nf Definition tretu artu meda de orroca, oru de orrocas artas Synonyms e antonyms conchile, ibba, ispéntimu, ispérruma, scabiossu, trabentu Sentences dae punta de sa raina bio su mare de Bosa ◊ s'abbilastru bolat sempre in sas alturas, si pasat in sas rainas ◊ si ch'est betadu dae una raina ◊ ch'est toruladu in sas rainas finas a sa banchina de s'istradone Scientific Terminology slg Etymon srdn. Translations French bord, crête, précipice English border, precipice, crest Spanish borde, cresta Italian ciglióne, precipìzio, crésta German Abgrund, Schlucht.

serràcu 1 , nm: serragu 1 Definition logu a serra, in su tretu prus artu chi a bisura de línia o filu de serra ispartzit su logu de betare is abbas a duas bandhas e badhes diferentes / annare serragu serragu = monte monte, serra serra Synonyms e antonyms serra Sentences cumintzeint s'aronzu dae sas badhes fintzas a su serragu ◊ apelzeint camminos pro giumpare sos serragos ◊ est istétia una fatiga a si ndi bènniri a innòi a susu, a su serragu de sa costera arrata ◊ furint iscumpartus apalas de unu serragu Scientific Terminology slg Etymon srd. Translations French crête, versant, ligne de partage des eaux English watershed Spanish divisoria de aguas Italian spartïacque, displùvio German Wasserscheide.