Ditzionàriu in línia
de sa limba e de sa cultura sarda

cadharída, cadharíga , nf Definitzione cosa chi si pesat in artu e coment'e a brínchidu (fogu, abba) Sinònimos e contràrios fiamarida, fracarida, pampada Maneras de nàrrere csn: cadharidas de risu = risu a meda; pesàresi a cadharidas (nau de ccn.)= tzerriai cun arrennegu Frases su chi no distruent sos bentos lu distruent sas cadharigas de su fogu ◊ si bidiant sas cadharidas e medas no si sunt acurtziados timindhe de che abbarrare brujados Ètimu srd. Tradutziones Frantzesu saut démesuré, flot, flambée Ingresu excessive jump Ispagnolu llamarada, chorro Italianu salto sperticato, flutto, fiammata vorticósa Tedescu hochaufgeschossener Sprung, Woge, Stichflamme.

mallàda , nf Definitzione fràmula de fogu chi si pesat arta; undha de abba in mare chi s'iscudet a is orrocas Sinònimos e contràrios mallaciada / fiamarida, gliamada, pampada / aundhada, cabadhone Frases is dimónius iant ghetau una mallada de fogu, pariat ca totu sa domu depiat pigai fogu 2. sa fentana fiat fachi a mari e dhui cantaiat asuta sa mallada iscuta a is iscóllius ◊ sa mallada atzàpuat a is iscóllius ◊ sos mortos in mare ndhe los at bogados sa mallada Ètimu srd. Tradutziones Frantzesu vague, grosse vague Ingresu billow Ispagnolu llamarada, oleada Italianu ondata, cavallóne Tedescu Woge.