pampàda , nf: pampara Definitzione fogu tenendho meda, abbruxandho a fràmmula manna, fintzes lughe chi si alluet a bisura de lampu Sinònimos e contràrios aframata, aframmarjada, fiamarida, frachetada, iframiada, lamada 1, lametada, pampasada / lampada Frases allueus una pampadedha de fogu 2. seu in s'abetu de una pampara de prexeri ◊ is fuedhus dhi essiant de buca che pampadas de fogu 3. a sa pampada de is lampus, Anselmu iat connotu unas cantus giòvunas de bidha (I.Lecca) Ètimu srd. Tradutziones Frantzesu hautes flammes Ingresu blaze Ispagnolu llamarada Italianu vampata Tedescu Aufflammen.

pampàda 1 , nf: pompada Definitzione posta de pampa in terra, de pranta de sa manu isprata / andai a pampadas = a s'imbàtoro, a pampas, ponendho is manos e is benugos Sinònimos e contràrios pampa 1, pàmpala, pàmpinu Frases aperta una trapa, a istòntonos e a pampadas fiant arribbaos acanta de sa fentanedha ◊ in miniera dhis tocat a s'incrubai, caminendu giai a pampadas (S.A.Spano)◊ no apoderat istrantaxu e caminat a pampadas Ètimu srd.

«« Torra a chircare