Ditzionàriu in línia
de sa limba e de sa cultura sarda

percúnta , nf: pragonta, precunta, pregonta, pregunta Definitzione cosa chi si pedit po bòllere ischire, o fintzes po àere, tènnere (fintzes po fémina a pobidha)/ fàghere sa pregunta a una fémina = circai a mulleri Sinònimos e contràrios dimandha / cdh. pricunta | ctr. arraspusta, sceda Frases fata sa pregunta, iat aspetau a dhi torrai sceda ◊ faghe a manera chi eo agate un'imposta a totu sas pregontas! ◊ a cussa pregonta issu no iscít arrespundi ◊ Giuanni candu iat biu cudh'ómini dh'iat fatu is própias pregontas 2. Bobbore no torrat a pònnere pede in dommo tua si non pro sa precunta Ètimu srd. Tradutziones Frantzesu question, demande Ingresu demand Ispagnolu pregunta Italianu domanda, richièsta Tedescu Frage, Forderung.

pretèsa , nf Definitzione su pretènnere calecuna cosa, cun o chentza arrexone, a foedhos o cun fatas Maneras de nàrrere csn: dàresi pretesas = difèndhere sa resone sua (teníndhendhe o chentza ndhe tènnere puru); leare sas pretesas de unu = fàghere sas partes a unu dèndheli resone contra a un'àteru Frases onzunu si daet sas pretesas suas ◊ cun forte poderiu chi no bollu pessades sighit a fàghere sas pretesas suas! (Limbudu) Ètimu itl. Tradutziones Frantzesu prétention Ingresu claim Ispagnolu pretensión Italianu pretésa Tedescu Anspruch, Forderung, Zumutung.