Legenda Incurtzaduras | Legenda Sìmbulos

discannótu , agt: discionnotu, disconnotu Definitzione chi no si connoschet de su bene chi dhi ant fatu, o chi no si ndhe ammentat, chi tratat sa gente coment'e chi no dhi apant fatu bene essendho chi ndhe dhi ant fatu; chi no si connoschet, chi no est connotu Sinònimos e contràrios disaggradéssiu, disconnóschidu, isconnóschidu, malebortzedidu / innotu, isconnotu | ctr. cumpridu / connotu Frases s'ómine discionnotu est malu e limbudu ◊ ti ant azuadu e como faghes su disconnotu! ◊ su corazu ti aia créfidu de faedhare gasi, disconnotu!◊ de sa bundadi mia ti abbusas ca tenis fai disconnotu! (Loddo P.) 2. cun su vapore fint tuchendhe a una terra disconnota ◊ ant fatu unu monumentu a su sordau disconnotu Ètimu srd. Tradutziones Frantzesu ingrat, inconnu Ingresu ungrateful, unknown Ispagnolu ingrato, desconocido Italianu irriconoscènte, sconosciuto Tedescu undankbar, unbekannt.

isconnóschidu, isconnóschitu, isconnóschiu , pps, agt: sconnósciu Definitzione de isconnòschere; nau de ccn., chi no si ammentat de su bene chi dhi ant fatu, chi tratat sa gente coment'e chi no dhi apat fatu bene essendho chi si dh'at fatu Sinònimos e contràrios discannotu, ispretzecu, malebortzedidu Frases acàbbala, isconnóschia: cussu no lu faches abberu a ti nche andhare dae dommo! ◊ isconnóschidos sezis vois ca faghides sos protzebbos! ◊ isconnóschidu, totu su bene chi li apo fatu e como mancu mi faedhat! Ètimu srd. Tradutziones Frantzesu ingrat Ingresu ungrateful Ispagnolu desagradecido Italianu irriconoscènte Tedescu undankbar.

malebortzedídu , agt, nm: maleportzedidu, maleprotzediu, maleprutziditu Definitzione chi o chie acostumat a no si arregodare de su bene chi dhi ant fatu, chi tratat sa gente coment'e chi no dhi apat fatu bene essendho ca si dh'at fatu / èssere bene faedhadu e m. = fuedhai bèni, ma èssiri de fatas malas Sinònimos e contràrios disaggradéssiu, discannotu, isconnoscenti, isconnóschidu, ispretzecu, isprocedidu | ctr. benebortzedidu Terminologia iscientìfica ntl Ètimu srd. Tradutziones Frantzesu ingrat Ingresu unthankful Ispagnolu ingrato, desagradecido Italianu ingrato, irriconoscènte Tedescu undankbar, Undankbare.

«« Torra a chircare