disaggradéssiu , pps, agt Definitzione de disaggradèssiri; malebortzedidu, chi no si arregodat de su bene chi dhi ant fatu Sinònimos e contràrios disconnóschidu, isconnóschidu, isgradessidu, malebortzedidu Tradutziones Frantzesu désagréable, ingrat Ingresu ungrateful, disliked Ispagnolu indeseable, desagradecido Italianu sgradito, ingrato Tedescu unerwünscht, undankbar.

isconnóschidu, isconnóschitu, isconnóschiu , pps, agt: sconnósciu Definitzione de isconnòschere; nau de ccn., chi no si ammentat de su bene chi dhi ant fatu, chi tratat sa gente coment'e chi no dhi apat fatu bene essendho chi si dh'at fatu Sinònimos e contràrios discannotu, ispretzecu, malebortzedidu Frases acàbbala, isconnóschia: cussu no lu faches abberu a ti nche andhare dae dommo! ◊ isconnóschidos sezis vois ca faghides sos protzebbos! ◊ isconnóschidu, totu su bene chi li apo fatu e como mancu mi faedhat! Ètimu srd. Tradutziones Frantzesu ingrat Ingresu ungrateful Ispagnolu desagradecido Italianu irriconoscènte Tedescu undankbar.

isprocedídu , agt: isprotzedidu, ispultzedidu, ispurtzedidu Definitzione nau de ccn., chi no si arregodat de su bene chi dhi ant fatu, chi tratat sa gente coment'e chi no dhi apet fatu bene essendho chi si dh'at fatu Sinònimos e contràrios disaggradéssiu, discannotu, isconnóschidu, malebortzediu Frases as iscontadu cantu tandho mi as nadu, isprocedidu! ◊ giughes su protzedimentu de una béstia de mola e gai ses orijuda, isprotzedida, isàpida e limbuda! ◊ fizu dignu de mama ispultzedida, giudicadu su peus machillotu ◊ proite ses ispurtzedidu cun su pópulu?! Tradutziones Frantzesu ingrat Ingresu unthankful Ispagnolu ingrato, desagradecido Italianu ingrato Tedescu undankbar.

malebortzedídu , agt, nm: maleportzedidu, maleprotzediu, maleprutziditu Definitzione chi o chie acostumat a no si arregodare de su bene chi dhi ant fatu, chi tratat sa gente coment'e chi no dhi apat fatu bene essendho ca si dh'at fatu / èssere bene faedhadu e m. = fuedhai bèni, ma èssiri de fatas malas Sinònimos e contràrios disaggradéssiu, discannotu, isconnoscenti, isconnóschidu, ispretzecu, isprocedidu | ctr. benebortzedidu Terminologia iscientìfica ntl Ètimu srd. Tradutziones Frantzesu ingrat Ingresu unthankful Ispagnolu ingrato, desagradecido Italianu ingrato, irriconoscènte Tedescu undankbar, Undankbare.

«« Torra a chircare