abbrabugliài , vrb: abbreboliare, abbrebugliai, abbrebulai, abbrebullai, abbrobogliai, abbrubuliai, abrebuliai, abrobolliai, barbugliai Definitzione su foedhare de unu chi no est bene ischidau, cumenciare a foedhare (nau de is pipiedhos), murrungiare chentza chi si cumprendhat bene ite est naendho, unu Sinònimos e contràrios barbatare 1, brocoai, imprabastulare, morrugnare Frases at abbrebulau calincuna cosa a truncu de língua ◊ abrebuliada chene si cumprèndiri su chi naràt ◊ iat abertu su breviàriu abbrebullendu chini iscít eita ◊ s'ómini si ndi est andau abbrubuliendu ◊ Sissi! - iat abbrubuliau s'ómini ◊ est totu abbreboliandho, inchietu ca ant serrau s'abba Ètimu srd. Tradutziones Frantzesu bougonner Ingresu to mumble Ispagnolu farfullar Italianu borbottare Tedescu brummen.

ammusciàre , vrb: muschiare* Definitzione istare a múscius, a murrúngios; primmare Sinònimos e contràrios brocoai, imprabastulare, muciai, musci, smusciai, traganzare, trepedhare, tzuniare / annicare, pirmare 2. innanti fit allegru e como si est ammusciadu Tradutziones Frantzesu bougonner, grogner Ingresu to mumble Ispagnolu mascullar Italianu borbottare, brontolare Tedescu murren.

barbatàre 1 , vrb: barbutai, borbotai, borbotare, brabatai, burbatare, burbutai, burbutare Definitzione istare naendho a murrúngiu, nàrrere cosa coment'e chesciandhosi Sinònimos e contràrios abbrabugliai, brocoai, imprabastulare, morrugnare, muciai, mulmutare, musci, smusciai, traganzare, trepedhare, tzuniare Ètimu itl. Tradutziones Frantzesu grogner, grommeler, bougonner, chuchoter Ingresu to grumble, to mumble Ispagnolu refunfuñar, musitar, bisbisar Italianu brontolare, borbottare, bisbigliare Tedescu murren, brummen, murmeln, flüstern.

trepedhàre , vrb Definitzione foedhare a murrúngiu, chentza cabu, tanti po istare naendho Sinònimos e contràrios ammusciare, arraunzare, ciaciarrai, ciaramedhare, paraletare, spaparotai, tricatare Frases trepedhandhe li dat sa grassanera, sa massaja (S.Manconi)◊ ant cumintzau a trepedhare tra issos nandhe goi Ètimu srd. Tradutziones Frantzesu bougonner, babiller Ingresu to talk idly Ispagnolu cotorrear Italianu cianciare, borbottare Tedescu schwätzen.

«« Torra a chircare