Legenda Incurtzaduras | Legenda Sìmbulos

alléu , nm Definitzione criadura minuda, pipiu de naschidórgiu Tradutziones Frantzesu enfant au berceau Ingresu baby Ispagnolu niño de pañales Italianu bambino in fàsce Tedescu Wickelkind.

Bambínu , nm Definitzione Cristos candho est naschiu, su Pipiedhu Frases dònannos tue, Bambinedhu, gràscias, risitos e carignos! ◊ in istadha isderruta, a pitzu de unu cufinu cun palla postu asuta, est nàsciu su Bambinu (M.Pintor) Tradutziones Frantzesu l'Enfant Jésus Ingresu infant Jesus Ispagnolu Niño Jesús Italianu Gesù Bambino Tedescu Christkind.

bardàscia , nm Definitzione piciocu minore pagu de bonu, malu Sinònimos e contràrios cdh. stedhàciu Tradutziones Frantzesu mauvais garçon Ingresu nasty boy Ispagnolu niño travieso Italianu ragazzàccio Tedescu Schlingel.

carútza , nf Definitzione min. de cara, cara pitichedha, de criadura / min. carutzedha Sinònimos e contràrios carighedha Frases est gai belledha, cun cussa carutzedha totu abba e sabone!…◊ disizendhe sas carutzas de fizos mios m'ingaleno Tradutziones Frantzesu joli minois, frimousse Ingresu pretty face Ispagnolu cara de niño Italianu visino Tedescu kleines Gesicht.

dúdhuru , agt, nm Definitzione foedhu chi si narat a disprétziu candho unu mannu faet che is criaduras Ètimu srd. Tradutziones Frantzesu grand enfant Ingresu great big baby Ispagnolu crío, niño de la rollona Italianu bambinóne Tedescu Kindskopf.

fruscinédhu , agt, nm Definitzione nau de piciochedhu chi istat sèmpere a su move move, chi no istat mai firmu Sinònimos e contràrios bagliúgulu, piberudu / fangoteri, fragnóculu, mintirotu, sbrillau, tocaredhu Frases a pipia tui fias fruscinedha meda Tradutziones Frantzesu vif, animé, petit diable Ingresu lively (child) Ispagnolu vivaz, niño travieso Italianu vivace, frùgolo Tedescu lebhaft, Wildfang.

marrúsca , nf Definitzione dentighedha pitica de pipiu Terminologia iscientìfica crn Ètimu srd. Tradutziones Frantzesu dent Ingresu little tooth Ispagnolu diente de niño Italianu dentino Tedescu Zähnchen.

nignighédhu , nm: ninichedhu, ninnichedhu, ninnixedhu Definitzione pipiu pitichedhu / su Ninnichedhu = su Bambinu Sinònimos e contràrios nignu, ninnedhu, pipiu Frases in sa butega de su mastruàscia s'intendhent pagos colpos de martedhu: unu bratzolu pro su nignighedhu e pro te, truncu immóbbile, una càscia Tradutziones Frantzesu bambin, l'Enfant Jésus Ingresu the infant Jesus Ispagnolu niño Italianu bambinèllo Tedescu kleines Kind.

nígnu , nm: ninnu Definitzione (f. –a) pipiu piticu, si narat a su pipiu creschendho fintzes de una deghina de annos, pruschetotu tzerriandhodhu; su Bambinu, Cristos a pipiedhu / min. ninnedhu, ninnitu Sinònimos e contràrios pipiu / Bambinu Frases so cue cun sos nignos innotzentes moltos prima chi abbas sacrosantas de prima culpa los fatant lughentes ◊ sa mama, netendhe sa persone, a sos ninnos lis dat basos e consizos ◊ cun santa umilidade e riveréntzia impare a sos pastores e tres Rese adora tue puru s'innocéntzia de su Ninnu celeste, si bi crese! 2. ninna mia bella, beni a mamma! 3. s'istella si fiat parada aundi fiat su nignu Gesús Sambenados e Provèrbios smb: Ninnu Ètimu spn. Tradutziones Frantzesu enfant Ingresu child Ispagnolu niño Italianu bimbo Tedescu Kind.

pilócu , nm Definitzione piciochedhu fintzes a is dóighi, tréighi annos Sinònimos e contràrios piciochedhu, pillosu*, pisedhu 3 Frases apo colau sos annos de pilocu apare cun mannoi meu Tradutziones Frantzesu petit garçon Ingresu young boy Ispagnolu niño, mozo Italianu fanciullo, ragazzino Tedescu kleiner Junge.

pipíu , nm, agt: pupiu Definitzione criadura mascu, minoredha, o fintzes matuchedha ma sèmpere de pagos annos / su p. de tziu Làllara = ómine intradu in tempus, mannu, antzianu Sinònimos e contràrios bibbigorredhu, pisedhu 3, pillosu 1 / cdh. stedhu 1 / minore Frases bàsciu de s'ora no nascit pipiu ◊ fit una fémmina sola chin sete pipios ◊ su pipiu at iscapau a pei, at cumentzau a fuedhai ◊ est torrau a pipiu a fortza de becesa! ◊ a su pitzinnu su babbu l'at batidu unu pupiu de linna, a zogare 2. depeus lassai dogna isperdítziu e avesai sa genti, finas de candu est pipia, a si acuntentai de su chi tenit Sambenados e Provèrbios smb: Pipiu / prb: àcua e frius annada de pipius Tradutziones Frantzesu petit enfant, enfant Ingresu babe Ispagnolu niño Italianu bimbo, bambino, infante Tedescu Kind.

púpu , nm Definitzione pipiedhu de naschidórgiu, ma fintzes de calecunu annu / min. pupitu Sinònimos e contràrios creadura, criatone, fizaredhu, pipiu Frases passendhe tremulades s'ervutza e sa foza che carignu innotzente de pupu risulanu ◊ ant àpidu su pupu apenas nadu ◊ anninnia, pupu bellu, chi ses bellu chei s'oro! Ètimu ltn. pupus Tradutziones Frantzesu petit enfant Ingresu baby, child Ispagnolu criatura, niño Italianu bimbo Tedescu Kind.

sutolzànu, sutorgiànu, sutorjànu, sutorzànu , agt, nm Definitzione chi, o pipiu chi, est ancora suendho, chi suet meda Ètimu srd. Tradutziones Frantzesu nourrisson Ingresu sucking, suckling Ispagnolu niño de pecho, lactante Italianu poppante, lattante Tedescu Säugling.

«« Torra a chircare