argamíle , nm Definitzione nau de ccn., chi est un'arga, persona de dispretziare, chie si cumportat male meda Sinònimos e contràrios argamilossu, ascamile, mascartzone, remitanu Frases baediche, argamile ischifosu! ◊ argamiles, li ant mortu unu fizu a cudhu malevadadu! Ètimu srd. Tradutziones Frantzesu vaurien Ingresu rascal Ispagnolu bribón, canalla Italianu farabutto Tedescu Schurke.

birbànte , agt, nm: birbanti, birbantu, bribanti, bribbanti Definitzione (f.-a), petzu de furca, chi o chie faet birbantadas, cosas de furbos e no sèmpere bonas o po su bonu Sinònimos e contràrios canàgliu, fulbu / cdh. bilbanti Frases est istétia una fortuna manna mera po mei a connosci una língua birbanta chi ti permitit sa pichiara vera (T.Mundula Crespellani)◊ birbante imboligosu, tramposu! ◊ tontu o bribanti, no dhu cumprendu custu piciocu! ◊ cussa si creit prus bribbanta de sa morti! 2. cussu est unu bribanti segau de cresci, no ndi potzu fai ni ferru e ni aciou! Ètimu itl. Tradutziones Frantzesu fripon, fourbe Ingresu scoundrel Ispagnolu canalla, pillo Italianu birbante Tedescu schurkisch, Schurke.

canàglia , nf: canalla, canàllia Definitzione gente mala, malefatora, àliga de muntonàrgiu Frases bator boltas mi azis pissitu… arratza de canàllia! ◊ una dí, cumenti Narcisu fiat nendi sa missa, una surra de canàllia intrat in crésia e apustis de dh'ai assartillau dhu lassant mesu mortu ◊ sa canàglia de su bichinau a cuss’ómine li nabat Zanchetone Tradutziones Frantzesu canaille Ingresu rogue Ispagnolu canalla, gamberro Italianu canàglia Tedescu Schuft.

canàgliu , nm: canaju, canalzu, canàrgiu, canarju, canartzu, canarzu, canaxu, cranaxu Definitzione chie ingollet o manígiat canes, mescamente cassandho (o chi fintzes ndhe pesat, ndhe custódiat e àteru); chi o chie faet atziones pagu bellas, pagu bonas Sinònimos e contràrios canateri / birbante Maneras de nàrrere csn: canàrgiu abarrau = su chi istat coizadu dendhe tentu a daisegus de sos àteros catziadores; c. scrancadori = su chi tentat in sas postas Frases sa die de sa catza dao su cane meu a su canarzu ◊ su capugassa at fatu unu signali a is canaxus ◊ canno fipo canàgliu no mi lassaiant mancu perchiare canno su capucatza fit ammustrànnennos sos sinnos de sas postas ◊ in catza bi sont sos canàglios e bi sont sos posteris 2. cussos canarzos de Montetzitóriu tochent a fora, mala raighina! ◊ ma abbàida ite mi at fatu cussu canarzu!… Sambenados e Provèrbios smb: Canargiu Ètimu ltn. canarius Tradutziones Frantzesu batteur, canaille Ingresu scoundrel, beater Ispagnolu perrero, canalla Italianu battitóre, bracchière, canàglia Tedescu Treiber, Schuft.

franíscu , agt Sinònimos e contràrios ammalisciadu, androgheri, aniscu Frases mi ses tundhindhe totue ca ses malignu e franiscu, nèndhemi "Godi su friscu" e gai ti bestis tue! (Piras) Terminologia iscientìfica ntl Tradutziones Frantzesu chenapan, fripon Ingresu unfair Ispagnolu canalla Italianu birbóne Tedescu boshaft.

mascatzúmine , nm Definitzione gente mascatza, mala, metzana Sinònimos e contràrios ciurmada, gentaredha Ètimu srd. Tradutziones Frantzesu canaille Ingresu mob Ispagnolu chusma, gentuza, canalla Italianu ciurmàglia, canàglia, canagliume Tedescu Gesindel.

rújula , nf Definitzione si narat a sa matessi manera de fémina e de ómine, chi est galiotu, pistercu, malu Frases cussu est una rújula Ètimu srd. Tradutziones Frantzesu vaurien Ingresu blackguard Ispagnolu truhán, canalla Italianu furfante Tedescu Gauner.

«« Torra a chircare