Ditzionàriu in línia
de sa limba e de sa cultura sarda

aggruncipídu , pps, agt Definitzione de aggruncipire; chi est totu a tzirbisas, a pinnigas Sinònimos e contràrios afrinzighidu, apijighedhadu, atripuntzidu / cdh. aggruciupitu Tradutziones Frantzesu rugueux Ingresu wrinkled Ispagnolu arrugado Italianu rugóso Tedescu runzelig.

alloricàu , pps, agt: allorigadu, lorigadu Definitzione de alloricare; chi est fatu a lóriga, a unu túturu / allorigadu che unu nodu moltu = fatu a unu gantzu, própriu a lóriga Sinònimos e contràrios anedhadu, aprigadu, fronziu, ingruciupidu | ctr. istiradu 2. tra fàmine e fritu, allorigadu a unu gantzitu at a mòrrere in sa tana ◊ oji niedha e pili allorigada, fintzas in su faedhare zeniosa Tradutziones Frantzesu ridé, flétri Ingresu to wrinkle (up) Ispagnolu arrugado Italianu raggrinzito Tedescu runzelig.

aprighizonàdu , pps, agt Definitzione de aprighizonare; nau prus che àteru de frutuàriu chi at patiu sicore, chi est totu a prighizones, a tzirbisas: si narat fintzes de sa carre de is bècios Sinònimos e contràrios afrinzighidu, atirigau, corrongiau, frintziconadu, fronziu, pirzigonatu | ctr. chíbbalu, istirau, lísciu Frases custas melinzanas goi aprighizonadas est sunt bodhidas dae meda Ètimu srd. Tradutziones Frantzesu ridé Ingresu wrinckled up Ispagnolu arrugado Italianu aggrinzito Tedescu runzelig.

atripuntzídu , agt Definitzione atribuntzidu, chi est totu a tzirbisas, nau mescamente de orrobba Sinònimos e contràrios afrinzighidu, aggruncipidu, apijighedhadu, fronziu, tripodhadu Frases zughet sa cara atripuntzida Ètimu srd. Tradutziones Frantzesu rugueux, ridé Ingresu wrinkled Ispagnolu arrugado Italianu rugóso Tedescu faltig.

crispàdu , pps, agt Definitzione de crispare; nau de unu, chi si est mesu oféndhiu Sinònimos e contràrios ingruciupidu, trapudhadu / ammurrionadu, primmau Tradutziones Frantzesu froncé, ridé Ingresu wrinkled Ispagnolu arrugado Italianu increspato, grinzóso Tedescu gekräuselt, faltig.

crispúdu , agt Definitzione nau de orrobba, de pedhe, chi est a tzirbisas, a pinnigas; nau de unu, chi est arrennegau, arrennegosu, físchidu Sinònimos e contràrios arritzonidu, grisposu, ingruciupidu, strugnu Ètimu srd. Tradutziones Frantzesu ridé, bourru Ingresu grumpy, wrinkled Ispagnolu arrugado, rugoso, huraño Italianu grinzóso, bùrbero Tedescu runzelig, mürrisch.

fronzíu , pps, agt, nm: frungiu, frunziu Definitzione de fronzire, frungiri; chi est totu aprighizonadu, a tzirbisas; trebballu fatu a ricamu, totu a pieghedhas Sinònimos e contràrios afrangillonau, afrinzighidu, apistigionau, aprichizonadu, aprigadu, atripuntzidu, corrongiau, frintziconadu, ingruciupidu | ctr. istiradu, pranciau 2. cumparit una fémina bècia, totu frungia ◊ su piscadori portat sa pedhi arrecota de su soli e totu frunzia ◊ cussa tzia zuchet sa cara totu fronzida ◊ pagu bella… est frungia che figu sicara! Tradutziones Frantzesu froissé, rugueux Ingresu creased, wrinkled Ispagnolu arrugado Italianu sgualcito, rugóso Tedescu zerknittert, gerunzelt.

ingruciupídu , pps, agt Definitzione chi est totu a pinnigas, a tzirbisas Sinònimos e contràrios afrangillonau, aprichizonadu, aprigadu, atripuntzidu, crispudu, fronziu, tripodhadu / cdh.ingrucipitu | ctr. crispu, istiradu, pranciau Frases nendhe nendhe filàt sa betzighedha pubadas mannas de istupa o lana, ingruciupida, sica, incrispidedha che tziodhedha de contos chi nana (P.Casu) Tradutziones Frantzesu ridé, froissé Ingresu shrivelled Ispagnolu arrugado, rugoso Italianu raggrinzito, grinzóso Tedescu runzelig.

prichizonàdu , pps, agt: prighizonadu Definitzione de prichizonare; chi est totu a tzirbisas Sinònimos e contràrios afrangillonau, afrinzighidu, apijighedhadu, aprigadu, atripuntzidu, frintziconadu, fronziu, ingruciupidu, trapudhadu | ctr. istiradu, pranciau 2. est cun su nare che pículu de astore e sa cara prighizonada, paret Parissuos ◊ sa pedhe prighizonada li pendhiat in cara che pedhuncu sicu de su sole ◊ Tzia Lilia fit cun sa cara groga, prichizonada dae sa betzesa e dae sos patimentos (L.Pusceddu) Tradutziones Frantzesu ridé Ingresu lined Ispagnolu arrugado Italianu rugóso Tedescu faltig.

trichizonàdu , agt: atrichizonadu* Definitzione chi est atzirbisonau, totu a piegas a brétiu Sinònimos e contràrios afrangillonau, afrinzighidu, aprigadu, aprighizonadu, atripuntzidu, fronziu, trichinzadu | ctr. istiradu, pranciau Tradutziones Frantzesu froissé, chiffonné Ingresu crumpled Ispagnolu arrugado Italianu sgualcito Tedescu zerknittert.