franedigósu , agt: frenedigosu, frenidicosu Definitzione chi tenet o portat frenédiga, pistighíngiu, ispédhiu Sinònimos e contràrios adheriosu, afuturrosu, allichinidu, apedhiosu, farrasédiu, frenédigu, furighedhosu, orau, pistichinzosu, schinitzosu, spedhiosu / cdh. franiticosu Frases no apo a frimmare sa matana frenedigosa de s'ómine de chèrrere iscumbatare (P.Fogarizzu)◊ sa mama est frenidicosa, chirchendhe de cojare sa fiza! ◊ che murone si traventaiat, caminendhe isalenadu cun ancas lestras e frenedigosas Terminologia iscientìfica ntl Tradutziones Frantzesu impatient, angoissant Ingresu eager Ispagnolu ansioso, deseoso Italianu smanióso Tedescu aufgeregt, unruhig.

furighedhósu , agt Definitzione chi tenet, chi giughet furighedha, una presse esagerada, chi costumat a tènnere furighedha Sinònimos e contràrios adheriosu, afuturrosu, apedhiosu, aprecariau, franedigosu, orau, pistichinzosu, pressosu, schinitzosu, spedhiosu, unigosu / cdh. afrodhiulatu | ctr. immajonadu, pàsidu, passentziosu Frases est tropu furighedhosa: no fait a dha poderai! ◊ candu bit ca funt furighedhosus, custus macus de su manincómiu, dhus acàpiat Terminologia iscientìfica ntl Ètimu srd. Tradutziones Frantzesu impatient, nerveux Ingresu eager Ispagnolu impaciente, ansioso Italianu impaziènte, irrequïèto, smanióso Tedescu ungeduldig, frenetisch.

pistichinzósu , agt: pistighignosu, pistighingiosu, pistighinzosu Definitzione chi tenet pistighíngiu, chi est pentzandho a calecuna cosa preocupau, fintzes chi dhu tenet de naturale a istare a pistighíngiu, a si pigare pentzamentu Sinònimos e contràrios apensamentau, apinnicadu, arreolau, isperiguladu, orioladu, pinnicosu / afrodhiosu, apedhiosu, schinitzosu, spedhiosu, unigosu | ctr. ilvioladu, trancuillone Frases allà unu cristianu pistighingiosu! ◊ sa pitzinna est pistichinzosa de torrare a domo ◊ seo pistighignosa canno no íscio comente istas! Ètimu srd. Tradutziones Frantzesu préoccupé, inquiet Ingresu anxious Ispagnolu ansioso, preocupado Italianu ansióso, apprensivo, preoccupato Tedescu ängstlich, bekümmert.

schinitzósu , agt: schinnitzosu, sciniciosu, scinitzosu, sfinitzosu Definitzione chi no abbarrat asseliau, chi no arrennescet a istare firmu o apaghiau, po arreolu, idea o cosa chi timet o chi iat a bòllere Sinònimos e contràrios afrodhiosu, apedhiosu, aprecariau, fazelladu, pistichinzosu, spedhiosu / cdh. afrodhiulatu / acascabellau, aggrillau, dengosu / angultiosu, congosciosu Frases as donau boxi a anninnias apaxiadoras po pipius scinitzosus ◊ biu trumas de cruculeus sfinitzosus ◊ seu sciniciosu e fàciu a manera de coitai 2. su coru fiat una pregonta schinnitzosa Ètimu srd. Tradutziones Frantzesu impatient, capricieux Ingresu eager, whimsical Ispagnolu ansioso, caprichoso Italianu smanióso, irrequïèto, capriccióso Tedescu aufregend, erregt, kapriziös.

solovàdu , pps, agt Definitzione de solovare; chi est in solovos, chi tenet pentzamentu, arreolu Sinònimos e contràrios impensamentau, orioladu, penciamentosu 2. sa muzere est solovada isetendhe su maridu ◊ sa mama est solovada pro su fizu Tradutziones Frantzesu anxieux Ingresu anxioux Ispagnolu ansioso Italianu trepidante Tedescu bang (e).

spedhiósu , agt Definitzione chi tenet ispédhiu, unu disígiu mannu de calecuna cosa Sinònimos e contràrios abbramidu, apedhiosu, apilliadu, apitadu, aulidu, intirioladu, pistichinzosu, schinitzosu, unigosu Frases is cassadoris torrant a sa famíllia allirga, spedhiosa, cun libba e mesa de cosa in sa mucíllia ◊ spedhiosu, seu circhendi a tui ◊ dèu fua spedhiosu de cumprendi ita fuat su strubbu a su coru Ètimu srd. Tradutziones Frantzesu avide, désireux Ingresu eager Ispagnolu deseoso, ansioso Italianu bramóso, ansióso Tedescu gierig, begierig.

unigósu , agt Definitzione chi tenet una genia de pistighíngiu, de ispédhiu Sinònimos e contràrios allichinidu, apedhiosu, furighedhosu, pistichinzosu, schinitzosu, spedhiosu Ètimu srd. Tradutziones Frantzesu impatient Ingresu impatient Ispagnolu ansioso Italianu ansióso, impaziènte Tedescu ungeduldig.

«« Torra a chircare