Legenda Incurtzaduras | Legenda Sìmbulos

biscàcu , nm Definitzione gioga de mare; pedra tundha Sinònimos e contràrios gioga / pagellida / cacódua, caróngiu, coda 2, códua, cogólidu, coróculu, craltu, ladhia, lecucu, lódhuru Ètimu srdn. Tradutziones Frantzesu coquille, caillou Ingresu shell, stone Ispagnolu concha, guijarro Italianu conchìglia, ciòttolo Tedescu Muschel, Kieselstein.

bombardài , vrb: bombardare, bombordare, bumbardare Definitzione betare bombas Sinònimos e contràrios abbombiai Frases me in Gonnus is americanus iant bombardau e iant fatu prus de centu mortus ◊ una noti iant bombardau su castedhu e ndi furiant arrutus is murus e ant tudau totu ◊ sos Americanos sunt bombardenne in Irak ◊ su tzocu mi fateit pensare a cussa nave de gherra chi bombardaiat Tradutziones Frantzesu bombarder Ingresu to shell, to bomb Ispagnolu bombardear Italianu bombardare Tedescu bombardieren.

cogóciu , nm Definitzione su corgiolu grussu de s'ou Ètimu srd. Tradutziones Frantzesu coque Ingresu egg shell Ispagnolu cascarón Italianu gùscio dell'uòvo Tedescu Eierschale.

conchíllu , nm: conchizu Definitzione totu is giogas de mare; fintzes gioga manna (de mare) cun papu bonu a papare (e aina de sonare a surbadura) 2. macu, fághedi forte e béssindhe dae su conchizu! Ètimu ltn. conchylium Tradutziones Frantzesu coquillage Ingresu shell Ispagnolu concha Italianu conchìglia Tedescu Muschel.

irranàre , vrb: irraniare Definitzione bogare o istacare su granu de sa tega o de s'ispiga (de su moriscu), segundhu su laore Sinònimos e contràrios irgranare*, irgranedhare, ispisare 1, scoinai, spapai, stegae Frases irranare moriscu, basolu, fae ◊ istodhidu su fundhu e irraniadu su sèmene, sos runcos de su linu si ponent a modhe in s'abba ◊ lèadi melaeranu, irrana e màniga! Tradutziones Frantzesu écosser, égrener Ingresu to shell Ispagnolu desenvainar (legumi), descascarar Italianu sgusciare, sgranare Tedescu schälen, auskörnen.

istecàre , vrb: istegare, stegae Definitzione arregòllere, istacare sa tega sicada o sicandho de sa canna de sa fae, de su cannàile de su pisu, de su prisuche / istecare fàulas = contai fàulas Sinònimos e contràrios iscoinai 2. no credetas chi siepo contanne fàulas, ca geo no n'isteco mai! Ètimu srd. Tradutziones Frantzesu écosser Ingresu to shell Ispagnolu recoger las vainas de las legumbres Italianu sbaccellare Tedescu aushülsen.

spapài , vrb Definitzione bogare su granu o papu de sa tega de is laores chi ndhe faent, bogare su chiu o papu de su corgiolu de àteru frutu Sinònimos e contràrios irgranare, irranare, ischiare Frases si spapat fà, fasolu, pisurci ◊ si spapat sa méndula 2. apu comprau sa méndula giai spapada po fai is drucis Ètimu srd. Tradutziones Frantzesu écosser Ingresu to shell Ispagnolu desenvainar Italianu sgusciare Tedescu enthülsen.

«« Torra a chircare