Ditzionàriu in línia
de sa limba e de sa cultura sarda

assachitaméntu , nm Definitzione su assachitai / a. de coru = timoria manna Sinònimos e contràrios assachitadura, irghinitada, iscutinada, issúculu, sachedhada, saidada Frases s'assachitamentu dhu fait su cuadhu, su carru ◊ custu no est unu ballu: est un'assachitamentu! ◊ s'ebba nostra caminaiat chena assachitamentu, pràtina (Q.Falchi) Ètimu srd. Tradutziones Frantzesu secouement Ingresu shaking Ispagnolu sacudida Italianu scotiménto Tedescu Stoßen.

irghitíntzu , nm Definitzione su move move de unu annervau chi no arrennescet a istare firmu Sinònimos e contràrios ischitzinonzu Ètimu srd. Tradutziones Frantzesu secouement Ingresu shaking Ispagnolu el agitarse Italianu scotiménto Tedescu Schütteln.

ischitzinónzu , nm Definitzione móvia forte a iscutuladura, a tzantzigadura Sinònimos e contràrios irghitintzu, ischitzinatura, ischítzinu, iscutinadura Ètimu srd. Tradutziones Frantzesu secouement Ingresu shaking Ispagnolu sacudida Italianu scrollaménto Tedescu Schütteln.

iscutinadúra , nf: iscutinatura, iscutzinadura Definitzione su iscutinare; sa cosa chi che orruet iscutulandho (si narat fintzes in su sensu de fundhurúgiu, s’úrtima parte chi abbarrat de una cosa, própriu s'úrtimu frutu de una mata, o de una persona) Sinònimos e contràrios iscudidura, iscutinu, sàinu, scutuladura, scutulamentu / iscutura Maneras de nàrrere csn: fàghere una cosa a i. = (fintzas) a su chi essit essit; i. de coro = tochedhos lestros Frases su bruine a sa robba si li catzat a iscutinadura ◊ ancu ndhe lu boghent dae sa beste a iscutinadura! ◊ trastes e contones fint ghetaos a iscutinatura ◊ no bufo gafè ca mi faghet a iscutinadura de coro 2. bi est abbarrada s'iscutinadura ebbia, in su sacu Ètimu srd. Tradutziones Frantzesu secouement Ingresu shaking Ispagnolu sacudidura Italianu scuotiménto Tedescu Schütteln.

sachedhadúra , nf Definitzione su sachedhare Sinònimos e contràrios acinnicu, saculadura, sciaculamentu Frases cantu est niedha sa mura, chi tinghet finas su pannu… sas bajanas de ocannu ballant a sachedhadura! ◊ si la leas a sachedhadura, cussa cosa la perdes in caminu Ètimu srd. Tradutziones Frantzesu secouement Ingresu shaking Ispagnolu sacudimiento, sacudida Italianu scuotiménto Tedescu Schütteln.

sciàcu , nm: isciacu*, sciagu 1 Definitzione bolet nàrrere dannu mannu, male e, segundhu comente si narat, fintzes surra, o cantidade manna Sinònimos e contràrios desacatu, destrossa, fracassu / banzu 1, istràssia / meda Frases megat de mi nci ampuai su sànguni a conca: oi fatzu cancunu sciacu! ◊ no est nudha ancora su sciacu: eis a biri cosas peus! ◊ gei dh'at fatu su sciacu a bociri a cudhu!…◊ is Americanus, su coranta tres, ghetendi bombas ant fatu unu sciacu mannu in Castedhu ◊ is sordaus, apustis de ai fatu sciagu in dónnia parti de sa citadi, nci atafant in crésia e forrogant in dónnia logu (J.Murgia) 2. e chi si permitant, is piciochedhus mius, a fai machioris, ca binti su sciacu! 3. unu sciacu mannu de cosa ◊ cussu guaràngiat mera, pigat unu sciacu mannu de dinai ◊ si podit isciri chini est chi nci at isdorrocau cussu sciacu mannu de àcua a mesu de arruga? Tradutziones Frantzesu malheur, désastre Ingresu violent shaking, accident Ispagnolu desgracia Italianu disgràzia, sconquasso Tedescu Unglück, Zertrümmerung.

scutulaméntu , nm Definitzione su scutulai Sinònimos e contràrios iscutinadura, sàinu, scutuladura Ètimu srd. Tradutziones Frantzesu secouement Ingresu shaking Ispagnolu sacudimiento Italianu scuotiménto Tedescu Schütteln.

tremulósu , agt Definitzione chi tremet, chi si tremet, istat tremendho Sinònimos e contràrios tremicosu, tremuleri, trémulu / cdh. trimuloni Ètimu srd. Tradutziones Frantzesu tremblant Ingresu tremulous, shaking Ispagnolu tembloroso Italianu tremolante, tremante, trèmulo Tedescu zitternd, bebend.