digràtzia , nf: dilgràscia,
dilgrassa,
dirgràssia,
disgràscia,
disgràssia,
disgràtzia Definitzione
dannu mannu; cosa mancari no grave meda ma cunsiderada dannu; persona pagu crabbada
Sinònimos e contràrios
derdícia,
destrossa,
malafada
/
cdh. disciarra
| ctr.
foltuna
Frases
e ite, crachi digràtzia at sutzédiu? ◊ deo so tzegu de sa belosia: no isco si est fortuna o dilgràscia ◊ su sole si che est frantu a crista bàscia: in s'aera abbudhada e tempestosa si respirat s'alenu de sa dilgràscia
Tradutziones
Frantzesu
malheur
Ingresu
disgrace
Ispagnolu
desgracia,
desdicha
Italianu
disgràzia
Tedescu
Schicksalschlag,
Übel,
unmöglicher Mensch.
disagúra , nf: disaura Definitzione
dannu o male mannu / fàghere una cosa pro d. = chentza de dh'èssiri bófia
Sinònimos e contràrios
dannu,
dibbarda,
difortuna,
digràtzia,
isagura,
malaura
| ctr.
foltuna
Frases
tanta disaura lutos che giughiat a dogni ala (A.Dettori)◊ ite disaura: mi ndhe at bogadu sa dente sana! ◊ cussu puzone de sa disaura mi cheriat ispínghere prus a s'isventura (B.Mureddu)◊ naschire òrfanu est una disaura ◊ sa pessone chi no at grabbu cun sos fizos e cun sa muzere est disaura! ◊ mai torret cussa disaura de fàmine!
2.
mi ant dau un'ispinta pro disagura, chene lu chèrrere
Tradutziones
Frantzesu
malheur
Ingresu
disaster,
misfortune
Ispagnolu
desgracia
Italianu
sciagura,
sventura
Tedescu
Unglücksfall.
malasagúra, malasaúra, malascigúra , nf: malassagúria,
malesagura,
malesaura,
malessagúria,
malisaura Definitzione
dannu o male chi si faet chentza dhu bòllere, po paga atentzione o pagu incuru / fàghere una cosa (dannu) de m. = pro dibbarda (ctr. abbidamente)
Sinònimos e contràrios
dibbarda,
digràtzia,
disagura,
malasorte,
malavadhia
/
disatentzione
Frases
sa broca l'apo segada ca mi est ruta de malesaura ◊ càstia custus piciochedhus cun su motorinu trucau: poi candu si arrogant sa conca est malascigura!…◊ custa poesia est revéntia gosi po malasagura ◊ pro ciascu mi l'as fatu o pro malesaura t'est costadu?
Tradutziones
Frantzesu
disgrace,
malheur,
malchance
Ingresu
mishap
Ispagnolu
desgracia
Italianu
disgràzia
Tedescu
Versehen.
sagúra , nf Definitzione
dannu mannu; figumorisca créschia aintru de sa tàula (ficu murisca de s., mustaciolu, marighedha)/ de mala s. = pro irmarru, dannu fatu po farta de atentzione, chentza chu bòllere
Sinònimos e contràrios
calama,
destrossa,
digràtzia,
disdícia,
sciacu
Frases
nois sichimus, no bi at de pèrdere sa die pro cussa sagura
Ètimu
itl.
Tradutziones
Frantzesu
catastrophe
Ingresu
disaster
Ispagnolu
desgracia,
desastre
Italianu
sciagura
Tedescu
Unglück.
sciàcu , nm: isciacu*,
sciagu 1 Definitzione
bolet nàrrere dannu mannu, male e, segundhu comente si narat, fintzes surra, o cantidade manna
Sinònimos e contràrios
desacatu,
destrossa,
fracassu
/
banzu 1,
istràssia
/
meda
Frases
megat de mi nci ampuai su sànguni a conca: oi fatzu cancunu sciacu! ◊ no est nudha ancora su sciacu: eis a biri cosas peus! ◊ gei dh'at fatu su sciacu a bociri a cudhu!…◊ is Americanus, su coranta tres, ghetendi bombas ant fatu unu sciacu mannu in Castedhu ◊ is sordaus, apustis de ai fatu sciagu in dónnia parti de sa citadi, nci atafant in crésia e forrogant in dónnia logu (J.Murgia)
2.
e chi si permitant, is piciochedhus mius, a fai machioris, ca binti su sciacu!
3.
unu sciacu mannu de cosa ◊ cussu guaràngiat mera, pigat unu sciacu mannu de dinai ◊ si podit isciri chini est chi nci at isdorrocau cussu sciacu mannu de àcua a mesu de arruga?
Tradutziones
Frantzesu
malheur,
désastre
Ingresu
violent shaking,
accident
Ispagnolu
desgracia
Italianu
disgràzia,
sconquasso
Tedescu
Unglück,
Zertrümmerung.