isciarrócu , nm: isciorrocu, isorrocu 1, sciarrocu Definitzione su isciarrocai, idorrocare, betare o orrúere totu de mala manera; mescamente sa moida manna o fragassu chi faet sa cosa idorrocandho Sinònimos e contràrios destrossa / ttrs. isciarada / isolocu 2. s'intendit isciarrocu in crésia: depint èssi movendi bancus ◊ sa brochera fait isciarrocu meda, trabballendi Ètimu srd. Tradutziones Frantzesu écroulement, fracas Ingresu collapse, din Ispagnolu derrumbamiento, estruendo Italianu cròllo, fragóre, schianto Tedescu Einsturz, Krach.

roghína , nf, nm: arruinu, roina, rughina, ruina, ruinu Definitzione dannu mannu, meda; ruinu si narat fintzes po ruinzu, orruina Sinònimos e contràrios bisorruta, desacatu, iscalabru, isciàsciu Frases si unu contr'a s'àteru si parat, de domo sa ruina si preparat ◊ in s'istiu sa Sardigna est un'inferru de focos, de roghina, de morte ◊ cussu est sa rughina de sa domo! ◊ est diventada piena de dogni ruinu, custa pàtria mischina ◊ si bi mancat su trigu, ozu e casu finas pro nois est una ruina! (Màsala) Sambenados e Provèrbios smb: Ruina, Ruinas Ètimu ltn. ruina Tradutziones Frantzesu ruine Ingresu collapse, ruin Ispagnolu ruina Italianu rovina Tedescu Ruin.

rúta , nf: arruta, irruta Definitzione su orrúere, su calare a terra a cropu de cosa istrantagiada o posta in artu, fintzes su fàere male po no tènnere sa fortza o coràgiu de si ndh'istare, de padire, agguantare Sinònimos e contràrios arratroxa, istrampada Maneras de nàrrere csn: àerendhe sa ruta ei su tzurumbone, sa r. e sa trajinada = su dannu e su zúdigu, su dannu e sa befe, unu male subra de s'àteru; ruta de cadhu, de àinu = ruta, istrampada dae cadhu, dae subra s'àinu Frases onzi passu una ruta e onzi ruta un'órchidu ◊ a sa ruta at fertu su bruncu ◊ in su paris l'assurtit una ruta e si truncat una cossa ◊ ruta e recaida 2. est mortu dae una ruta de cadhu Ètimu srd. Tradutziones Frantzesu chute, écroulement Ingresu collapse Ispagnolu caída, derrumbamiento Italianu caduta, cròllo Tedescu Fall, Sturz.

santrecòro , nm: sentrecore Definitzione male a su coro, mortemala, puntore Sinònimos e contràrios antecoru*, bentracoro, intracoro Frases bibíebbos unu bubbulicu de abbardente, sinono oje bos suprit carchi santrecoro malu de su fritu! Tradutziones Frantzesu collapsus Ingresu collapse Ispagnolu colapso Italianu collasso Tedescu Kollaps.

scollaméntu , nm Definitzione su s'iscolliare, andhare male, su che passare in is iscóllios Sinònimos e contràrios imbrúnchinu, sciacu, scógliu, trambucada Ètimu srd. Tradutziones Frantzesu débâcle Ingresu collapse Ispagnolu derrumbamiento Italianu tracòllo Tedescu Zusammenbruch.

«« Torra a chircare