Ditzionàriu in línia
de sa limba e de sa cultura sarda

abbrívu , nm Sinònimos e contràrios impédhida, incannada Tradutziones Frantzesu élan, impulsion Ingresu fresh way, headway Ispagnolu salto, impulso Italianu abbrìvio Tedescu Anstoßen.

impédhida , nf: impéllida, impillida Definitzione su fortzare a una bandha, pruschetotu a cropu, coment'e ispinghendho; su chi si narat o chi si faet po fortzare a unu, po dhu cumbínchere a calecuna cosa Sinònimos e contràrios acollada, afracada, colpu, imbàtida, impella, impellériu, imperta, incannada, ispinta Frases s'impéllida de sos bentos ◊ at inténdiu s'impillida de si dha basai ◊ is piciocus si fiant pigaus a impéllidas e a corpus Ètimu srd. Tradutziones Frantzesu impulsion, poussée Ingresu push Ispagnolu impulso, empellón Italianu impulso, spinta Tedescu Antrieb.

impellériu , nm Definitzione genia de ispinta, de fortza Sinònimos e contràrios impédhida, ímpetu, ispinta, púntzia Frases sos impellérios de su chervedhu e s'enerzia chi frunit s'istòcomu daint bita e motu a totu su corpus Tradutziones Frantzesu impulsion Ingresu impulse Ispagnolu impulso, empellón Italianu impulso Tedescu Antrieb.

ímpetu , nm: ímpidu, ímpite, ímpitu Definitzione genia de fortza chi unu si podet sentire in s'ànimu e chi si pentzat prus che àteru mala, de prepoténtzia Sinònimos e contràrios foltza, impellériu, púntzia, santidu, trínnigu Maneras de nàrrere csn: ímpidos de fele = cadha de fele, arrennegu forte, ma fintzas sentidu malu, velenosu; èssere ómine de ímpetos = rebbestu, focosu, de ideas malas Frases cussu est de ímpidu malu! ◊ lassade custos ímpidos: no fetedas disonore a s'arte! ◊ un'animali timiu est s'urtzu, ca no tenit ímpitu iscassu ◊ at tancadu sos ojos pro dare fortza e ímpidu a su carvedhu ◊ medas boltas custu pane e mele si bóltulat totu in ímpidos de fele ◊ bi l'at nadu chin cudhu ímpite… pro pagu no si bochit sa pisedha! Tradutziones Frantzesu élan, sentiment, impulsion Ingresu impetus, impulse, sentiment Ispagnolu ímpetu Italianu ìmpeto, sentiménto, impulso, frèmito Tedescu Wucht, Gefühl, Antrieb, Beben

inghítida , nf, nm: inghítiu Definitzione genia de cropu, de ispinta, de inghitillu, ma nau in sensu prus largu / inghítida a foradedha = tiru de sa ballina a su gari Sinònimos e contràrios impédhida, inghitillu, inghitiradura, púntzia Frases s'inghítida de cumentzu tocat a sa biríllia prus atesu Tradutziones Frantzesu impulsion Ingresu impulse Ispagnolu impulso Italianu impulso Tedescu Antrieb.

púntzia , nf Definitzione sa fortza chi si faet andhandho de su corpus o orinandho / su mali a púntzias = su no pòdere pisciare; erba de su mali a púntzias = genia de erba chi faet a pisciare (Eryngium tricuspidatum) Sinònimos e contràrios impellériu, inghítiu, prémida Tradutziones Frantzesu impulsion Ingresu impulse Ispagnolu impulso Italianu impulso Tedescu Reiz.