fúa , nf: fuga Definitzione su fuire; su cúrrere cun fuliesa manna, fuliesa etotu / min. fuighedha Sinònimos e contràrios currera, fuera, fughidura, ifuada, petone Maneras de nàrrere csn: fuire a pala fua = a tota fua; a una fua = chentza si frimmare; leare sa fua = leare sèmpere prus fuliesa; parare sa fua = chircare de frimmare, de fàghere frimmare Frases mi fio fatendhe in deghe pro li parare sa fua, a s'acheta, e ruta mi est! ◊ at imparau a tirai a su pegus in fua ◊ is piciocus funt partius a cuadhu a totu fua ◊ no podes, sendhe topu, andhare a fua! ◊ cussos cadhos no tenent fua Ètimu ltn. fuga Tradutziones Frantzesu fuite, galop Ingresu gallop, getaway Ispagnolu fuga, galope Italianu fuga, galòppo Tedescu Flucht, Galopp.

parafúa, parafúga , nf: paravua Definitzione sa currera de su cuadhu candho est currendho, eja, ma no própriu a tota fua / fuire a p. = a labor'e pedes, currindhe Sinònimos e contràrios palafua Frases proite istas currendhe a parafua, chi eo transidu ndhe resto e cunfusu?! Tradutziones Frantzesu galop Ingresu gallop Ispagnolu galope Italianu galòppo Tedescu Galopp.

«« Torra a chircare