Ditzionàriu in línia
de sa limba e de sa cultura sarda

petòne , nm Definitzione movimentu lestru meda Sinònimos e contràrios fua, fuliénsia Frases in sa falada su carru at leadu petone e sos voes si sunt iscorrados (G.Ruju)◊ si no bi est sa mecànica, su carru leat petone e si podet bortulare ◊ addaghi est arrividu a sa trempa, s'ómine at leadu petone e a su paris ch'est lómpidu lorumendhe Tradutziones Frantzesu bond Ingresu rush Ispagnolu salto, impulso Italianu slàncio Tedescu Schwung, Anlauf.