Legenda Abbreviazioni | Legenda Simboli

sciampugiài , vrb: isciampugliai, sciampugliai, sciampulai, sciampullai Definizione iscutulare, fàere mòvere cun fortza de un'ala a s'àtera, nau mescamente de s'abba aintru de un'istrégiu, pigare a iscutuladura Sinonimi e contrari assucare, igiucare, isciaculare, isciucare, sciampuinai, sucariare Modi di dire csn: andai sciàmpula sciàmpula = a s'assuca assuca; sciampulaisí in su letu = istare corcados gai, ca piaghet, chentza bisonzu Frasi su mari sciampullat àcua ◊ s'abba in su mari est sempri sciampullendu 2. si ndi fiat istesiau sciampullendi sa conca Etimo srd. Traduzioni Francese clapoter, ballotter Inglese to swash Spagnolo agitar, remover Italiano sciabordare Tedesco umrühren, schütteln.

sciampullaméntu , nm Definizione su sciampullai Sinonimi e contrari sciampugliadura, sciampullinada, sciàmpullu Frasi s'intendit unu sciampullamentu de su sàmbini in is venas Etimo srd. Traduzioni Francese clapotement, ballottement Inglese washing Spagnolo chapoteo Italiano sciabordìo Tedesco fortgesetztes Schütteln.

scutulaméntu , nm Definizione su scutulai Sinonimi e contrari iscutinadura, sàinu, scutuladura Etimo srd. Traduzioni Francese secouement Inglese shaking Spagnolo sacudimiento Italiano scuotiménto Tedesco Schütteln.

sutrinnàre , vrb Definizione mòvere a iscutuladura, a cropos Sinonimi e contrari iscossare 1, iscotzinare, iscutuai, issucare, sachedhare, sutronare Etimo srd. Traduzioni Francese secouer Inglese to shake Spagnolo sacudir, zarandear Italiano scrollare, scuòtere Tedesco rütteln, schütteln.

trinicàre , vrb: trinigare, trinnigare Definizione trèmere, su si trèmere totu, mòvere, su si mòvere a iscutuladura, a tremidura Sinonimi e contrari busigare, sachedhare, saidare, tidhiricare, trèmere, tremuai Frasi mi trinnigaia che foza, de su fritu ◊ mi paret chi mi pungant a puntorzu e mi ndhe trínnigo in totu sa carena ◊ ti trínnigas in s'íntimu ammentendhe sos basos, sas promissas ◊ s'ischideit atriciatrícia de suore, trinnighèndhesi che canna pro unu sónniu feu 2. sos furfurajos afainaos, trinicandhe sas alas, pariant chene pache ◊ no mi trínnighes! ◊ susuja, rocu e loros asseguras, a unu a unu dogni arminzu aparas e trínnigas s'aradu e totu esploras (P.Casu)◊ su bentu no trínnigat mancu sas fozas 3. si est trinnighendhe, s'aera est minetendhe tempesta 4. acumpanzat sos movimentos de sas pedaladas trinnighendhe pagu pagu sa conca a manca e a dresta Etimo srd. Traduzioni Francese trembler, frissonner, secouer Inglese to tremble, to shiver, to shake Spagnolo temblar, estremecerse, sacudir Italiano tremare, rabbrividire, scrollare Tedesco zittern, schaudern, schütteln.

tzintziricàda , nf: tzintzirigada, tzantzarigada Definizione su tzintziricare; móvia, iscutulada, fintzes móvia de conca coment'e bolendho nàrrere calecuna cosa / èssere a sa tz., nau de ccn. = èssiri písili, chi si dha pigat po dónnia cosighedha Sinonimi e contrari chilliata, móida, ninniada, sachedhada, saidada, sconchiada 2. inoghe ficant e cue che ruent a sa tzantzarigada! Etimo srd. Traduzioni Francese touche, branlement Inglese touch, nod Spagnolo toque, sacudidura Italiano toccata, tentennatina Tedesco Berührung, leichtes Schütteln.

«« Cerca di nuovo