tècla , nf Definizione parte de una màchina de iscríere, de una computera, o àteru (tastiera) ue funt iscritas is líteras o àteros sinnos (o chi currispondhent a unu valore istabbiliu) e chi si incracant cun d-unu cropighedhu po lassare su singiale o a dónnia modu fàere s'efetu chi si bolet (es. sonu, nota) Sinonimi e contrari tastu 2 Etimo spn. Traduzioni Francese touche d'un clavier Inglese key Spagnolo tecla Italiano tasto Tedesco Taste.

tocàdu , pps, agt, nm: tocau Definizione de tocare, tocare 1; chi o chie at tentu calecuna neghe, dannu, male Sinonimi e contrari freadu 1, piticau Modi di dire csn: tocau de mali = chi at tentu dannu; tocadu a conca = fertu, mesu macu, pagu sanu de cherbedhos; tocau de binu = mesu imbriagu; tocau de aciou = pitigadu de carchi tzou, puntza e gai; èssiri tocau de àrias = fàghere machines, no èssere tantu zustu de conca 2. iant portau a Gesús medas tocaus de is aremigus ◊ at sanau is tocaus de mali Traduzioni Francese touché Inglese touched Spagnolo tocado Italiano toccato Tedesco getroffen.

tocaméntu , nm Definizione su tocare, su istare a su toca toca; avisu po giare a ischire calecuna cosa, singiale chi giaet a ischire o faet pentzare a calecuna cosa fintzes chi depet capitare; su tocu de sa campana / dare t. = avisare, avertire, dare o zúghere s'avisu, portai sa sceda, pregontai s'interessamentu de ccn. Sinonimi e contrari tocada / apuntamentu, avertimentu, avisu, nuntzu, suspentu / tocu 2. prima de mòrrere, cataunu at su tocamentu ◊ canno colaiat chin su càmiu sonaiat pro dare tocamentu a sos pastores pro abbovarent su late ◊ sas sorrastras si aiant datu tocamentu in d-unu ufissu ◊ sa tzente si fit impostata in s'istradone pariat chi lis aiant datu tocamentu chin su bannu ◊ at datu tocamentu a tres dutores pro ischire ite teniat su pitzinnu ◊ dàdemi tocamentu luego si bi at cosa! Traduzioni Francese touche, avis, pressentiment Inglese touch, notice, omen Spagnolo tocamiento, aviso Italiano toccaménto, avviso, presàgio Tedesco Berührung, Anzeichen.

tzintziricàda , nf: tzintzirigada, tzantzarigada Definizione su tzintziricare; móvia, iscutulada, fintzes móvia de conca coment'e bolendho nàrrere calecuna cosa / èssere a sa tz., nau de ccn. = èssiri písili, chi si dha pigat po dónnia cosighedha Sinonimi e contrari chilliata, móida, ninniada, sachedhada, saidada, sconchiada 2. inoghe ficant e cue che ruent a sa tzantzarigada! Etimo srd. Traduzioni Francese touche, branlement Inglese touch, nod Spagnolo toque, sacudidura Italiano toccata, tentennatina Tedesco Berührung, leichtes Schütteln.

«« Cerca di nuovo