Legenda Abbreviazioni | Legenda Simboli

immatàre , vrb: immatzai 1, immatzare, irmassare, irmatare 1, ismatare 1, smatzai Definizione bogare sa matza, su matzàmene de unu pegus faendhodhu a petza; rfl. nau in cobertantza (e arrennegaos) po andhare de su corpus; immatzare est fintzes immarrire a tropu (coment'e calare sa matza/matzàmene de sa pelea, smeraisí) Sinonimi e contrari immativuzare, irbentrare, irbudhai, isbuserigare, isbuzare Modi di dire csn: i. su pane = catzarecheli su de mesu, su prus modhe; irmatare su fogu = ispàrghere unu pagu sa chisina (dae ue est prus a muntone, in mesu) a manera chi sa linna brusiendhe abbarret unu pagu supesada e tenzat de prus Frasi irmatare su pische, su porcu, sa berbeghe, unu fiadu maselladu ◊ su fiadu l'ant immatadu in d-unu patrefíliu ◊ mortu su sibrone, sa cosa de fàere fiat a dh'auscare e immatzare 2. putzinosu, si est irmatadu inue colat sa zente! Etimo srd. Traduzioni Francese éventrer, vider Inglese to disembowel Spagnolo destripar Italiano sventrare Tedesco ausweiden.

immativuzàre , vrb: ismativuzare Definizione bogare sa matza, su matzàmene, limpiandho unu pegus bochitu Sinonimi e contrari immatare, irbentrare, irbudhai, isbuserigare, isbuzare, isminuzare, istripare Frasi l'ant iscarvedhadu e ismativuzadu a bistrale Traduzioni Francese équarrir, vider, étriper Inglese to eviscerate Spagnolo destripar Italiano squartare, sventrare, sbudellare Tedesco ausschlachten, ausweiden.

immatzadúra , nf: irmatadura, smatzadura Definizione su immatzare, su ndhe bogare su matzàmene a s'animale mortu Etimo srd. Traduzioni Francese étripage Inglese disembowelment Spagnolo destripamiento Italiano sventraménto Tedesco Ausweiden.

irbentràre , vrb: irbrentare, sbrentai Definizione bogare su matzàmene de sa bentre a unu pegus pangau Sinonimi e contrari immatare, immativuzare, irbudhai, isbuserigare, isbuzare Etimo srd. Traduzioni Francese éventrer Inglese to eviscerate Spagnolo destripar Italiano sventrare Tedesco ausweiden.

sbudhài , vrb Definizione bogare sa bentre, su matzàmene; rfl. calare sa bentre; trans. cobèrrere (nau de s'atzione coment'e aprofitamentu, dannu, contr'a sa volontade de sa fémina) Sinonimi e contrari immativuzare, irbudhai, irmatare, smatzai Etimo srd. Traduzioni Francese étriper Inglese to disembowel Spagnolo destripar Italiano sbudellare Tedesco ausweiden.

«« Cerca di nuovo