Legenda Abbreviazioni | Legenda Simboli

chistionàda , nf Definizione su chistionare, manera de chistionare Sinonimi e contrari arrallada, arrejonada, chistionadura, chistionu Frasi arratza de chistionada, sa tua: l'as tue, sa curpa, e ti daes resones puru! 2. nos semus àpidos paris e nos amus fatu una bella chistionada Etimo srd. Traduzioni Francese raisonnement, propos Inglese reasoning Spagnolo razonamiento, discurso Italiano ragionaménto, discórso Tedesco Gedankengang, Rede.

chistiónu , nm Definizione totu su chi si narat de una chistione, de un'argumentu, mescamente foedhandho s'unu cun s'àteru; su istare foedhandho de calecuna cosa Sinonimi e contrari alleca, allegonzu, arragionu, cuntrastu, narinzu, negóssiu Modi di dire csn: zúghere una cosa in c. = fuedhai de una cosa; intrare in c. cun d-unu = fuedhai, chistionai de ccn. cosa cun d-unu, leare chistionu; bènnere a chistionu = agatàresi paris a chistionare Frasi za l'apo intesa cuss'allega ca la zughiant in chistionu in domo de Bodale ◊ mi mintiat pore su chistionu a cuscusinu de cristianos chi no bidia 2. candho sunt paris istant semper a chistionu: ndhe agatant cosas de nàrrere!…◊ goi e goi, semus intrados in chistionu cun Fulanu ◊ isse no fuit a primma cun megus: fuit solu chi no benimis a chistionu Etimo srd. Traduzioni Francese conversation, argument Inglese talking Spagnolo conversación, discurso, asunto, tema Italiano conversazióne, dïàlogo, discórso, argoménto Tedesco Gespräch, Rede.

discúrsu , nm: discussu 1, discurtzu Definizione chistionu o foedhada longa, arrexonada chi unu faet a solu, a boghe arta foedhandho o ligindho Sinonimi e contrari chistionada, chistionadura, chistionu, cuntrastu, negóssiu Traduzioni Francese discours Inglese speech Spagnolo discurso Italiano discórso Tedesco Rede.

parlàta , nf: prallata Definizione chistionada manna, longa, chi unu faet a gente iscurtandho, prus che àteru in logu apertu a totugantos Frasi non iscís ca depu fai una prallata a sa genti? - at nau su síndhigu ◊ canno est abbassatu dae su postale at bistu sa piatza prena de tzente tratesa pro ascurtare sa parlata de Grassasaddeu ◊ s'onorèvole fit bonu in sas 'parlatas' e candho favedhabat issu ghirabant peri dae sartu pro l'intèndhere Etimo itl. parlata Traduzioni Francese discours, comice Inglese speech, meeting Spagnolo discurso, mitin Italiano discórso, comìzio Tedesco Rede.

tracàza , nf Definizione chistionu a isciolóriu, chentza contu e chentza cabu Sinonimi e contrari iscantarúmene Traduzioni Francese propos dénués de fondement Inglese long and idle talk Spagnolo parrafada, discurso vano Italiano discórso lungo, inùtile e sènza fondaménto Tedesco lange, unnütze Rede.

«« Cerca di nuovo