chistiónu , nm Definizione totu su chi si narat de una chistione, de un'argumentu, mescamente foedhandho s'unu cun s'àteru; su istare foedhandho de calecuna cosa Sinonimi e contrari alleca, allegonzu, arragionu, cuntrastu, narinzu, negóssiu Modi di dire csn: zúghere una cosa in c. = fuedhai de una cosa; intrare in c. cun d-unu = fuedhai, chistionai de ccn. cosa cun d-unu, leare chistionu; bènnere a chistionu = agatàresi paris a chistionare Frasi za l'apo intesa cuss'allega ca la zughiant in chistionu in domo de Bodale ◊ mi mintiat pore su chistionu a cuscusinu de cristianos chi no bidia 2. candho sunt paris istant semper a chistionu: ndhe agatant cosas de nàrrere!…◊ goi e goi, semus intrados in chistionu cun Fulanu ◊ isse no fuit a primma cun megus: fuit solu chi no benimis a chistionu Etimo srd. Traduzioni Francese conversation, argument Inglese talking Spagnolo conversación, discurso, asunto, tema Italiano conversazióne, dïàlogo, discórso, argoménto Tedesco Gespräch, Rede.

cuntràstu , nm: cuntrestu Definizione su istare foedhandho cun ccn. arrexonandho de calecuna cosa / leare cuntrestu de carchi cosa = leare chistionu, chistionai de ccn. cosa Sinonimi e contrari alleca, arragionu, chestione, chistionu, discussura, negóssiu Frasi o faedhet onestu o càmbiet cuntrestu! ◊ Pilatu, in chirca de abbambagare su pópulu, sighit cun sos cuntrestos suos faedhendhe de totu su bene chi Gesús lis at fatu ◊ intendhendhe sa ragalla, si sunt acurtziados a ue fint cudhos pro ndhe collire s'assuntu de su cuntrestu Traduzioni Francese conversation Inglese argument Spagnolo discusión Italiano discussióne, conversazióne Tedesco Diskussion.

negóssiu , nm: negossu Definizione su foedhare chi si faet tra personas de una chistione Sinonimi e contrari arragionu, chistionu, cuntrastu Frasi sunt a negóssiu, favedhandhe de cunzaos ◊ fint favedhandhe de dommos a candho ant lassau cussu negóssiu e ndh'ant picau un'àteru ◊ ant sichiu su biazu sèmpere a negóssiu Etimo srd. Traduzioni Francese conversation Inglese conversation Spagnolo conversación Italiano conversazióne Tedesco Unterhaltung, Gespräch, Konversation.

«« Cerca di nuovo