Legenda Abbreviazioni | Legenda Simboli

allíu , nm Definizione su alliare, calesiògiat cosa chi podet giare a un’àteru ocasione de fàere cosa chi no andhat bene; unu tanti pagu, su tanti de ndhe tastare, de ccn. cosa / èssere un'a. = donai ocasioni, incidai Sinonimi e contrari agghégiu, tzítziu / atzicu Frasi custa caminera in mesu a sa tanca est un'alliu (G.Ruju)◊ a l'àere in grefa est un'alliu ◊ s'avansada chi mi as fatu est un'alliu! ◊ unu papagallu chi bi aiat in carrela fit s'alliu de minores e mannos, ca naraiat totu 2. ocannu de cariasa bi ndh'at ebbia un'alliu Etimo srd. Traduzioni Francese provocation, dégustation Inglese provocation, tasting Spagnolo provocación, bocado Italiano provocazióne, assàggio Tedesco Provokation, Kosten.

dèrre , nm, agt Definizione cosa chi si faet o si narat a marrania, faendho arrennegu o tzacu a s'àteru; nau de unu, chi est circabretus, bestifocos / vatire a ccn. a su d. = a si la leare cun arrennegu, cun airu Sinonimi e contrari agghégiu, incídiu, intriscu, ismarranada, marrania, ringa, tzuntzulladura Frasi amamus tantu su progressu chi nos ridet a fúrriu pro nos fàchere su derre, ma cherimus sa zustíssia bera ◊ iscoetandhe su pische mi fughiat dae manos e mi torraiat a fàchere su derre! ◊ Tanielle candho si ndhe fit bidu giutu a su derre aviat mortu tres vacas de s'inimicu (G.Chironi) Etimo srd. Traduzioni Francese provocation Inglese challenge Spagnolo provocación (f) Italiano sfida, provocazióne Tedesco Herausforderung, Provokation.

marranía , nf Definizione su chi si faet o chi si narat atzitzandho s'àteru a gherrare, a fàere calecuna prova, a bíere chie est prus forte, chie binchet, tenet resone, o àteru / pònnere sa (o in) m. = ammarranare Sinonimi e contrari derre, intriscu, ismarranada, tirrimarranu Frasi a mei no mi dha pongas, sa marrania, lah! ◊ sos chi ant mortu a babbu fint sempre a marrania cun nois ◊ su zigante li at postu marrania e l'at ghintadu che astore ◊ proa, coment'e deo chimbanta annos in su palcu, a giogare a marrania sos improvisadores piús mannos! (Piras)◊ no isco chie at a èssede faendhedhi marrania Etimo srd. Traduzioni Francese défi, provocation Inglese challenge Spagnolo desafio, reto Italiano sfida, provocazióne Tedesco Herausforderung, Provokation.

«« Cerca di nuovo