afatúgiu , nm: fatugiu* Definizione cosa fata, maia po acapiare a ccn. comente narant is majàrgios; su istare a su faghevaghe, inghiriandho faendho calecuna cosa Sinonimi e contrari aciseria, brusceria, afadamentu, fatura, fatórgiu, maghia, maina, majalzadoria, malifatu, punga / faghevaghe, trancuinu Frasi custus piciochedhus depint portai su dimóniu in cropus… gei mi dh'ant fatu s'afatúgiu!…◊ s'ogu leau puru si podet cunsiderare un'afatúgiu 2. in s'afatúgiu de mamma po mi fai tastai is cosas prus bonas, dh'iat contau su contu (A.Pittau) Traduzioni Francese sorcellerie Inglese sorcery Spagnolo brujería Italiano stregonerìa Tedesco Hexerei.

bruscería , nf Definizione genia de meighina chi faent is majàrgios e majàrgias Sinonimi e contrari aciseria, acisu, afadamentu, afatúgiu, coghímini, fadia 1, fatura, maghia, magina, maina, majalzadoria, strimíngiu Frasi sa genti, de is bruscerias tuas gei ndi podit fai de mancu! ◊ a cussas bruscerias no nci creu prus, no seu ancora pipiu! Etimo ctl., spn. bruxería, brujería Traduzioni Francese sorcière Inglese sorceress Spagnolo brujería Italiano fattucchierìa Tedesco Hexerei.

fadía 1 , nf: fatia Definizione cosa fata, cosa chi si faet po afatugiare a ccn. Sinonimi e contrari aciseria, acisu, afatúgiu, brusceria, fatura, maghia, magina, maina Frasi cussa fémina mi at fatu una fatia poita no mi seu bófiu cojai cun issa Etimo srd. Traduzioni Francese maléfice, ensorcellement Inglese spell Spagnolo hechura, hechizo Italiano fattura, incantésimo Tedesco Hexerei, Zauberei.

fatúra , nf Definizione mali fatu, cosa (pipias de tzàpulu cun agúgias cravilladas in su tretu inue s'iat a bòlere fàere essire su male) chi si faet po acapiare a unu, po dhi fàere male, po dhi cambiare in peus sa sorte Sinonimi e contrari aciseria, acisu, afatúgiu, almaia, brusceria, fadia 1, maghia, magina, maina, punga, strimíngiu Frasi sa coga dhi at fatu una fatura ◊ is maias su predi dhas fait po isculai faturas e maias allenas ◊ si faghiant carchi fatura mala ghetànt sa curpa a sos duendos ◊ cussas piciocas parint duas faturas de cantu funt lègias! Etimo ltn. factura Traduzioni Francese sorcellerie Inglese sorcery Spagnolo brujería Italiano stregonerìa Tedesco Hexerei.

«« Cerca di nuovo