Ditzionàriu in línia
de sa limba e de sa cultura sarda

cèrfa , nf: scefa Definizione sa cherridura, sa pagighedha fine chi abbarrat a muntone in s'argiola de comente ant treulau e bentulau su laore; su fundhurúgiu chi faet s'ógiu / trigu de c. = sa fundhana, s'úrtimu chi si ndhe collit Sinonimi e contrari coàina, coale, mucra, mundidhu, múndulu, scefabi Terminologia scientifica msg Etimo srd. Traduzioni Francese grenaille Inglese riddling Spagnolo granzas, borra Italiano vagliatura Tedesco Sieben.

chercúzu , nm: chircuzu Definizione est su chi abbarrat in s'argiola de sa treuladura de su trigu, sa pàgia prus fine; orrughedhos fines de sa coma de sa linna Sinonimi e contrari afrantzuchena, arremusulla, chimuza, chirchiza, cífrinu, cruscuza, frataza, pampodha, romasiza, tzimuca, vèglia / chimuza Traduzioni Francese grenaille, crublure Inglese riddling Spagnolo granzas Italiano vagliatura, frùscoli Tedesco Spreu.

chirchíza , nf, nm: chischiza, chiscuza, chiscuzu Definizione orrughedhos de css. cosa e mescamente de linna; moidedha de su foedhare / èssere chiscuza (nau de ccn.)= afrodhieri, bòlliri isciri ammarolla is chistionis allenas Sinonimi e contrari arrogalla, chercuzu, chimuza, frataza, frustigalla, ischimuza, pampodha, piciualla, tzimuca / bodheta, piscinu Frasi ti fetant a chiscuza! ◊ s'ossu a chiscuzu si at fatu! ◊ mi che ant frundhidu che chiscuza 2. est collindhe chiscuza a su fogu ◊ sa chiscuza meda chi bi est afogat su pàsculu 3. no s'intendhet che risos e chiscuzas, ispracadas sentza de àere cabu e coa ◊ est cussu buchimannu chi che at bogadu sa chiscuza, candho nos at agatadu! Cognomi e Proverbi smb: Chiscuzzu Etimo ltn. quisquiliae Traduzioni Francese grenaille, criblure Inglese riddling Spagnolo salvado Italiano vagliatura, frùscoli Tedesco Spreu.

coamadérzu, coamadórzu , nf Definizione coa de madrelzu, de su postorzu, de s'argiola, su chi dhue abbarrat in s'argiola apustis incungiau su laore Sinonimi e contrari coale, coalina, culischedhu, ischivozu, padriedu Etimo srd. Traduzioni Francese grenaille, criblure Inglese riddling Spagnolo monda, criba Italiano mondìglia, vagliatura Tedesco Spreu.

coscovàtzu , nm: cuscubatzu, cuscuvatzu Definizione iscopa de àchina o de sarmentu, sa carena, su chi abbarrat de unu gurdone de àghina apustis istacaos is pibiones; fintzes totu su chi no est granu, foedhandho de su laore Sinonimi e contrari iscovàtzulu, iscopu 1, iscovile, sporra / cerfa, chercuzu, coamaderzu, múndulu 2. issos regollint su ranu e a nois lassant su cuscubatzu Terminologia scientifica rbr Traduzioni Francese râpe, criblure Inglese grape stalk, riddling Spagnolo orujo, salvado Italiano graspo, vagliatura Tedesco Traubenstiel, Spreu.

cruscúza , nf, nm: curcuza, curcuzu, cuscutza, cuscuza, cuscúzia, cuscuzu Definizione orrughedhos de calecuna cosa (linna, àteru) Sinonimi e contrari afrantzuchena, arremusulla, arrogalla, chercuzu, chirchiza*, cífrinu, cuscuzina, fafaruza, fratamuza, frataza, piciualla, pispisa, romasiza, tzimuca, vèglia / cdh. cuscúcia Frasi su linnaresu essit in chirca de linna bregadina: chimuza, cotichina, frastamaza, frusia o cuscuzedha ◊ nos ant denegadu una manada de curcuza 2. a su sostre de su chelu dia chèrrere furare unu punzu de cuscuzas de istedhos! ◊ su fiadu famidu in arzola no rispetat ranu e ne cuscuzu ◊ cust'orgosa de sos sónnios meos est intipia de cuscutzas umanas (N.Demurtas) Cognomi e Proverbi smb: Cuscuzzu Traduzioni Francese grenaille Inglese riddling Spagnolo granzas, ahechadura Italiano frùscoli, vagliatura Tedesco Spreu

ghinína , nf Definizione fundhurúgiu o coa de argiola de sighire a pistare e seberare, granu de trigu aortitzu, minudedhu; is granos de trigu orruinau ammesturau cun pedrighedha chi ndhe sèberant candho su trigu dhu faent in chiliru Sinonimi e contrari alzenina, coale, genina*, enina Cognomi e Proverbi prb: a ongi fémina no li mancat ghinina Traduzioni Francese ventage Inglese riddling Spagnolo despajadura Italiano vagliatura Tedesco Sieben.

ischivózu , nm Definizione coa de argiola, s'úrtimu laore chi abbarrat de arregòllere, mescamente brutu e metzanu Sinonimi e contrari coale, coamaderzu, culischedhu Frasi frichinias de tempus, ischivozos anticos apo acatau in custos montricos pacu abbuschios e istropiaos Etimo srd. Traduzioni Francese ventage, criblure Inglese screening, rest Spagnolo residuo Italiano vagliatura, resìduo Tedesco Spreu, Rest.

múndulu , nm Definizione s'àliga chi si ndhe sèberat de su laore / m. de bentu = molinada de bentu Sinonimi e contrari cerfa, mundidhu Etimo srd. Traduzioni Francese criblure Inglese riddling Spagnolo criba, despajadura Italiano vagliatura Tedesco Spreu, Abfälle (Pl.).