acapulài , vrb: acopulai, capulai Definizione segare a piticu, fintzes pistare, iscúdere / a. a unu che petza de burricu = pistare chei s'azu Sinonimi e contrari amminudai, irminujare / atripai, pistae Frasi portu is ogus arrúbius ca apu acapulau una conca de cibudha ◊ dh'ant acapulau che petza de burricu! Etimo srd. Traduzioni Francese couper en petits morceaux Inglese to mince Spagnolo desmenuzar Italiano sminuzzare Tedesco zerkleinern.

filchinàre , vrb: firchinare, frichinare Definizione fàere a farinos, a orrughedhos; nau in cobertantza, su fai e fateriai, su si mòvere a meda e istare sèmpere faendho Sinonimi e contrari apimpirinai, chimentare, ifriare, irfarfaruzare, irfrichinare, scirfinai, spimpirallai, spimpiridai / cadredhai Frasi no ti lasses frichinare dae s'achéssida de pensare a su tragu chi as tentu! ◊ a su late mi bi apo firchinadu pane ◊ amus sichiu a fàchere su chi ischiabamus fàchere, frichinandhe tàulas e taulones (B.Murgia) 2. a sa patedha bi ghetaiat paja de rucros de lardu e canno fit mesu cotu nche impodhaiat aintro sas ervas mannicantinas frichinatas 3. fatendhe e firchinendhe fint un'annu e mesu ordendhe tramas a note e a die ◊ a ndhe tenet de fírchina fírchina cuss'àinu!… Etimo srd. Traduzioni Francese émietter, couper en petits morceaux Inglese to hash Spagnolo desmenuzar Italiano sminuzzare Tedesco zerbröckeln.

irminujàre , vrb Definizione segare a pitichedhedhu; pentzare una cosa o una chistione bene a fundhu, a fine a fine Sinonimi e contrari amminudai, ispiculedhare / amminunciare, irminutziare, pilisae 2. irminujatilas custas cosas chi ti apo nau, ca a bi pessare tocat a tibe! ◊ su de s'irminujare a fundhu sos fatos umanos l'aiat ispintu a s'irbortare de fàchere su sordau ◊ irminujàndhesi cussu si li afinabat s'ànima, ite arrore! ◊ su de fàchere si l'ant irminujau bene innantis de detzídere de s'isèrghere Etimo srd. Traduzioni Francese morceler, faire un récit détaillé Inglese to mince, to think over Spagnolo desmenuzar, reflexionar Italiano sminuzzare, ripensare Tedesco zerbröckeln, überlegen.

scirfinài , vrb Definizione fàere a firchinidas, segare a círfinus, a farinos; foedhandho de gente, fàere a befa Sinonimi e contrari afirinedhai, filchinare, ifriare, irfarfaruzare, spamparinai, spimpiridai Etimo srd. Traduzioni Francese émietter Inglese to mince Spagnolo desmenuzar Italiano sminuzzare Tedesco zerkleinern.

«« Cerca di nuovo