arrógu , nm: orrogu Definizione donniuna de is partes de una cosa segada, crantu, bículu, ma fintzes parte de unu totu intreu / min. arroghedhu, arroghedhedhu, arroghixedhu; un'arrogu mannu = rujone; arrogu de… = nadu cun arrennegu o a menisprésiu de cosa intrea, de ccn. Sinonimi e contrari arruncu, bículu, cabone, cànciu, filchinida, istallada, pitzuedhu, rucru, strónciu, tancu / palte, tretu Modi di dire csn: tiraindi arrogu = fàghere sa cosa chentza delicadesa peruna; andaisindi a arrogus = nadu de cosa, isparfaruzàresi, andhàreche, istacàresi a cantos; calai a arrogus = nadu de bestimenta, èssere irfata, betza meda, a cantos, cossumida; fai cosa a arrogus e a mússius = a tretos, a iscutas, no totu pínnigu Frasi papai un'arrogu de pani, de petza, de casu ◊ poni duus arrogus de linna a su fogu! ◊ pigu un'arrogu de giornali po allúiri su fogu 2. ant bombardau s’arrogu de mari ananti de sa citadi ◊ po unu bell'arrogu sa costera àrtziat cun d-unu péndinu longu e addasiau (R.Spissu)◊ de su contu nd'apu inténdiu un'arrogu ◊ cun custus arrogus de iscedas si podit fai un'istória ◊ de sa ventana si bit un'arrogu de sa pineta 3. apu a arrespundi a cust'arrogu de paperi chi mi ant presentau ◊ arrogu de molenti, baidindi! ◊ si dha portamu dèu cuss'arrogu de divisa biat ca si pinnigànt, is itzaracus!… 4. fai abbellu, ca ndi tiras arrogu! ◊ cussu narat fuedhus chi ti ndi tirant s'arrogu! ◊ a giovunedhu at lassau s'ànima a arrogus me in sartu, pascendi crabas Traduzioni Francese morceau Inglese piece Spagnolo trocito, pizca Italiano pèzzo, brandèllo Tedesco Stück.

chirriólu , nm: corriolu, corriou, curriolu Definizione orrugu de orrobba, pedhe o àteru deasi, segau a iscorriadura Sinonimi e contrari arrogu, bículu, binarja, fiocu, isperriolu, perriolu, petolu / ttrs. chirrioru Modi di dire csn: fàghere, bogare a corriolos = arrogai, iscorriolare; unu curriolu de terra = unu bículu de terra; festas de corriolu = festas chi si faghent in campu e ue si bi daet pane, peta e àteru a totu sa zente; prànghere a corriolu = prànghere a órrios, a corrinus; chirriolu de àcua = corighedha de abba chi falat in sos bidros segundhu comente proet Frasi de sa bestimenta no li ant lassadu mancu chirriolu ◊ de su pannu de santu Pantaleo no bi ndhe tocas unu chirriolu! 2. addaghi benit isse ti bogat a chirriolos! ◊ sos diàulos ti currant note e die pro ti bogare sa carre a corriolos! 3. candu non currint is cuadhus, currint a is chirriolus Cognomi e Proverbi smb: Corriolu, Curriolu Etimo srd. Traduzioni Francese lambeau Inglese shred Spagnolo jirón Italiano brandèllo, sbréndolo Tedesco Fetzen.

cífrinu , nm: círfinu Definizione orrughedhu piticu de cosa segada, farinu / fai una cosa a círfinus = fàghere una cosa a firchinidas, in chentu e unu bículu Sinonimi e contrari afrantzuchena, arremusulla, arrogalla, chercuzu, fafaruza, friginida, orrugàgia, murichia, piciualla, pillibilli, pispisa, tzimuca, vèglia Frasi s’ànima s'isfait in pruini cun is cífrinus abarraus de su coru Etimo srd. Traduzioni Francese bribe, brin, lambeau Inglese rag Spagnolo jirón Italiano minùzzolo, brandèllo Tedesco Stückchen.

isperriólu , nm Definizione orrugu segau a isperradura, a iscórriu Sinonimi e contrari binarja, chirriolu, ispitúlliu, minutzu, perriolu, petolu Frasi pompiae chi si bos tiro a sa tzancheta mi nche abbarrat s'isperriolu in manos! Etimo srd. Traduzioni Francese lambeau Inglese shred Spagnolo jirón, pingajo Italiano brandèllo Tedesco Fetzen.

petólu , nm: petzolu Definizione orrugu, pruschetotu nau de sa petza (fintzes móssigu, bucone): dhu narant de dónni'àtera cosa puru Sinonimi e contrari arrogu, bículu, binarja, chirriolu, isperriolu, ispetzolu, minutzu Frasi sos corbos, chene pietu, sont istrutzanne s'úrtimu petolu ◊ abbramida, sa súrbile de sa gherra sos angheledhos faghet a petolos Etimo srd. Traduzioni Francese lambeau Inglese shred Spagnolo jirón (petza), pingajo Italiano brandèllo Tedesco Stück, Fetzen.

«« Cerca di nuovo