Legenda Abbreviazioni | Legenda Simboli

gelài 1, gelàre , vrb: zelare Definizione àere, pònnere o sentire gelu, regelu contras a unu o calecuna cosa / g. male a unu = no piàghere; pro chi eo male ti gele = mancari no ti piaga Frasi fustei puru est istróllica, no s'iscít a chini istimat e a chini gelat: cussas puru funt fillas! ◊ "m'istimat, mi gelat" funt is fuedhus chi narant ispollendi unu frori po biri comenti arresurtat… Etimo itl. gelare Traduzioni Francese avoir de l'aversion contre qqn., antipathie Inglese to feel a strong dislike Spagnolo sentir antipatía Italiano sentire avversióne, antipatìa, detestare Tedesco gefroren, eisig, Eis.

nóscu , nm Definizione genia de sentidu, ifadu o gana lègia contr'a calecuna cosa chi no praghet o chi no si bolet Sinonimi e contrari aburia, afàstiu, àscamu, coscu, dilgéniu, gheléstia, grisu, ischifu Frasi chi tui dha istimas de coru, no timas su noscu de chini no bollit! ◊ fut de diora chi connada mia teniat unu noscu contras a is sorris mias Traduzioni Francese aversion, répugnance, antipathie Inglese dislike, loathing Spagnolo aversión, repugnancia Italiano avversióne, ripugnanza, antipatìa Tedesco Abneigung.

regélu , nm: rezelu Definizione genia de dispraxere, calecuna cosa chi si sentit in contràriu a ccn. o a calecuna cosa chi praghet pagu Sinonimi e contrari reselu*, sustu 2 Frasi sighi puru dogni dispetu, pòrtami ódiu e regelu! (P.Mossa)◊ sunt in brama de ispossessare a mie dae chelu sena mancu tènnere rezelu de s'ànima! Traduzioni Francese antipathie Inglese aversion Spagnolo recelo Italiano antipatìa Tedesco Abneigung.

tíca , nf Definizione genia de sentidu malu contr'a ccn. Sinonimi e contrari tírria Modi di dire csn: pònniri o tènniri t. a unu = leàrelu a mal'ogru, ficàreli ódiu; ghetai t. a ccn cosa = arripítiri unu cumportamentu, una manera de nàrriri o de fai; giàiri t. a unu = adduire a su chi cheret unu, mustràresi de acordu 2. immoi dhi at ghetau tica a narri cussu fuedhu e no dh'acabbat prus! Cognomi e Proverbi smb: Ticca Traduzioni Francese ennui, antipathie Inglese dislike Spagnolo antipatia Italiano ùggia, antipatia Tedesco Abneigung.

tírria , nf: (sa t. = nr. satírria) tírriu 1 Definizione genia de sentidu malu contra a s'àteru, coment'e de ódiu, a dispetu Sinonimi e contrari ascru, imbídia, malàstiu / corconu | ctr. istima Modi di dire csn: ghetai t. a unu = ficare ódiu; èssiri a t. de pari = unu contras a s'àteru a chie ndhe podet fàghere de prus, de dirbetos, coment'e zente chi no si podet bídere; tènniri t. a ccn. = no lu poder bídere tichedhu; pònnere sas tírrias a unu = bogaidhu in bregúngia, desdorai Frasi medas funt impastaus de tírria chi no fait a dhu crei! ◊ galiotos sunt tessendhe tírrias e brigas isfoghendhe sos ódios tzotzidos ◊ funt currendi in tírria e a trivas cun is pretocaus! ◊ cussu est tírriu chi sentit, no est atru! Cognomi e Proverbi smb: Tirria Etimo spn. Traduzioni Francese rancune, perfidie, antipathie Inglese rancour, dislike, perfidy Spagnolo tirria Italiano àstio, perfìdia, antipatìa Tedesco Groll, Heimtücke, Abneigeung.

«« Cerca di nuovo