Ditzionàriu in línia
de sa limba e de sa cultura sarda

allacanàdu , agt, pps: allacanau Definizione de allacanare; chi est chentza fortzas, coment’e cédiu, lecu Sinonimi e contrari ilgherradu, illacainzau, isbagazadu, smardoscinau / abbrebesciau, acalamau, allechiau, allizadu, ammalmiadu, ammortiginau, ammustiau, pribissiu | ctr. feurràciu, friscu 2. s'úrtimu tempus, candu s'est arrimau, fiat totu allacanau ◊ ses totu allacanau, sempri bufendi ◊ lah chi dèu no seu ni allacanau e ni mortu! ◊ fut sicu e allacanau che unu losíngiu de candela ◊ biendi sa pipia totu allacanara su babbu s’est acicau Traduzioni Francese flétri, épuisé, abattu Inglese flabby, exausted, withered Spagnolo ajado, mustio Italiano appassito, spossato, móscio Tedesco entkräftet, schwächlich.

allizàdu , pps, agt: allizatu, allizau Definizione de allizare; chi at pérdiu abba, si ch’est passandho, nau de birdura segada, o fintzes prantada chi tenet bisóngiu de abba Sinonimi e contrari afrunzidu, aggrogomau, allacanau, allechiau, allevigiau, allissiadu, ammustiau, mústiu 1, pribissiu | ctr. friscu 2. unu fiore friscu, un'allizadu si bident in su matessi naiscolu Traduzioni Francese fané, flétri Inglese withered Spagnolo ajado Italiano appassito Tedesco verwelkt.

ammalmiàdu , pps, agt Definizione de ammalmiare; chi est sufrendho po farta de abba (nau de erbas e matas) Sinonimi e contrari acaramau, allacanadu, allaunitu, allizadu | ctr. friscu 2. dia cherrer fàghere su corigori a sos coros ammalmiados dae sa tristura ◊ giughia sa carena ammalmiada dae bíndhighi annos de sufrimentu Traduzioni Francese flétri Inglese withered Spagnolo marchito Italiano avvizzito Tedesco verwelkt.

assichillonàu , pps, agt: assichizonau Definizione de assichillonai Sinonimi e contrari acaramau, allaunitu, allizadu, assichizonidu, insicuridu, pitzau Traduzioni Francese flétri Inglese withered Spagnolo marchito Italiano avvizzito Tedesco verwelkt.

cagadía , nf: cogodia Definizione fodhe, frutu aortitzu de sa pruna, chi no ammadurat s'ossu e chi no dhu sèberat de sa prupa: abbarrat coment'e teghighedha, buida in mesu, ladita, modhe, in colore tra birde e biancu, bona a papare, de sabore marigosu, e apustis si sicat deunudotu Sinonimi e contrari tacatia 2. s'amistade issoro ch'est finida in cogodia e no si sunt mancu piús faedhados! Terminologia scientifica rbr Etimo srd. Traduzioni Francese fruit rabougri de la ronce Inglese withered fruit of the plum tree Spagnolo fruto apestado del endrino Italiano frutto imbozzacchito del pruno Tedesco eingeschrumpfter Frucht des Pflaumenbaums.

calabíu , nm Definizione figu bícia, acalabiada, aortitza, chi no lompet ca ndhe orruet innanti sicandhosi Sinonimi e contrari cadh. calàciu Terminologia scientifica rbr Etimo srd. Traduzioni Francese figue molle ou blette Inglese withered fig Spagnolo higo lacio, marchito Italiano fico méncio o vizzo Tedesco welke Feige.

carigàdu , pps, agt: carigau Definizione de carigare; fatu a càriga: si narat fintzes coment'e istrupiadura de caru; nau de is cambas a fortza de dhas aparare a su fogu, chi est totu a marcos (cambas a sartitzu) Sinonimi e contrari ammelighinadu, carixedhau, pabassadu Frasi sa figu cota lassada in s'àrbure si ch'est totu carigada 2. seu che a sa figu carigada: si sicat su tanaxi e totu si frunzit e s'acugurrat ◊ bella prendha chi ses, coromeu carigadu!… 3. cussu pisedhu zughet sas cambas carigadas, semper acurtzu a fogu! Traduzioni Francese fané, flétri Inglese withered Spagnolo marchito Italiano appassito Tedesco verwelkt.

corpadúra , nf Definizione su acropare, mescamente nau de sa manera de fàere una cosa; difetu de su frutuàriu (es. pira, mela, néspula) candho a tretighedhos si dhis sicat su corgiolu po maladia o fintzes po cropighedhu de calecuna cosa (es. gràndhile); genia de cropu o tocada chi iat a fàere unu mortu a is bios chi po cussu nanca ndhe iant a orrúere malàidos o fintzes mòrrere Etimo srd. Traduzioni Francese frappement, tavelure Inglese withered fruit Spagnolo fruta con la piel arrugada Italiano ticchiolatura Tedesco Braunfleckigkeit.

insicurídu , agt Definizione coment'e sicau, làngiu Sinonimi e contrari addrommigadu, assichillonau, sicu / insichinidu, marriu, scalarxiu Traduzioni Francese sec Inglese withered Spagnolo seco, acartonado Italiano risecchito, incatorzolito Tedesco trocken, eingeschrumpft.

pabassàdu , pps, agt Definizione de pabassare; chi at pérdiu s'abba che pabassa Sinonimi e contrari ammelighinadu, carigadu Traduzioni Francese flétri Inglese withered Spagnolo marchito Italiano appassito Tedesco trocken, verwelkt, verblüht.