Ditzionàriu in línia
de sa limba e de sa cultura sarda

aggortedhài , vrb Definizione púnghere a gurtedhu, a lepedha Sinonimi e contrari apugnalai, arresorzare, istocagiare Etimo srd. Traduzioni Francese frapper à coups de couteau, poignarder Inglese to stab Spagnolo acuchillar Italiano accoltellare Tedesco erstechen.

apugnalài, apugnalàre , vrb: pungelae Definizione pigare a puntas de pugnale, a istocadas, a istichias de lepedha Sinonimi e contrari aggortedhai, istocagiare Frasi est andhadu e l'at apugnaladu a traitoria ◊ a chie cheret cantendhe apugnalat, suta s'otava sua ognunu morit (Pirastru) Etimo ctl., spn. apunyalar Traduzioni Francese poignarder Inglese to stab Spagnolo apuñalar Italiano pugnalare Tedesco erdolchen.

arrasogiàda , nf: arrasojada, arresojada Definizione istichia de lepedha, segada fata a lepedha Sinonimi e contrari sticada Traduzioni Francese coup de couteau Inglese stab Spagnolo navajada, navajazo Italiano coltellata Tedesco Messerstich.

istichía, istichída , nf: stichida Definizione su istichire; incracada de cosa a punghidura (e fata a punta); briga puru, su nàrrere cosa a iscontróriu Sinonimi e contrari afruconada, istocada / liscebbussu 2. sciadau, una giovunedha boit: gei no boit mancu un'istichida de gortedhu, no! ◊ un'istichida de frucidha de ferru a ibbidhiadura!◊ chi dhu scidiat gopai… bai ca nci dh’iat bogada a istichidas de pei! Etimo srd. Traduzioni Francese estocade, moquerie, raillerie Inglese stab, taunt Spagnolo estocada, indirecta Italiano stoccata, rabbuffo Tedesco Hieb, Verweis.

istiletàda , nf: istilletada Definizione cropu o istichia de istilete, de istillu Sinonimi e contrari istillada, istocada Traduzioni Francese coup de poignard Inglese stab Spagnolo puñalada Italiano pugnalata Tedesco Dolchstich.

istiletài, istiletàre , vrb: istilletare Definizione púnghere a istillu, a istilete Sinonimi e contrari istocagiare Traduzioni Francese poignarder Inglese to stab Spagnolo apuñalar Italiano pugnalare Tedesco erdolchen.

istocàda , nf: istocata, istucada, stocada Definizione istichia de istocu, de lepedha, acirrada de gurtedhu, istichia cun aina puntuda e segante: su foedhu dh narant fintzes cun arrennegu in parte de css. cosa Sinonimi e contrari apugnalada, issacada, istichia, istochedhada, sticada, stochigiada Frasi li at infertu un'istocada a petorras ◊ circa de t'iscabbúlliri, fillu miu, e sempri cun sa língua, lah: dhis at a intrai prus de is istocadas! 2. it'istocada cheret, como, cussu porcu: no at manigadu, chi est torra a boghes?! Etimo itl. stoccata Traduzioni Francese coup de stylet, de poignard Inglese stab Spagnolo puñalada Italiano stilettata, pugnalata Tedesco Dolchstich.

istocagiàre , vrb: istocazare, istochigliai, istochizare, stochigiai Definizione púnghere a istocu, a lepedha, giogare a isticadas de istocu Sinonimi e contrari aggortedhai, apugnalai, arresorzare, intolare, istocadare, istochedhare Frasi e chie ti l'at muntesa, cussa pòbera, candho l'as istochizada?! Etimo itl. Traduzioni Francese poignarder Inglese to stab Spagnolo apuñalar Italiano stoccheggiare Tedesco mit dem Degen hauen.

pugnalàda , nf: apugnalada, pugnolada, pungelada, pungialada, pungiolada, punniolada, punnolada Definizione istichia de pugnale, nau fintzes cun afuta e a frastimu Sinonimi e contrari abbudhada, issacada, istocada Frasi in sa furca chi andit e una pugnolada chi dhis papit! ◊ bi at giustíssia, e carabbineris e barracellus e pungioladas! ◊ ita punniolada si ndi fait de su dinai?! ◊ punnolada, epuru l'est piàghida sa cosa chentza la triballare! Etimo spn. Traduzioni Francese coup de poignard Inglese stab Spagnolo puñalada Italiano pugnalata Tedesco Dolchstoß.

sticàda , nf: isticada* Definizione istichia, segada fata a lepedha, cropu de cosa puntuda (mescamente segante) giau a punghidura (ma fintzes s. de pei) Sinonimi e contrari arrasogiada, istocada Frasi cussus si buscant una sticada de gortedhu a piturras, chi si ponint in mesu ◊ dona una sticada de istrúmbulu a su bòi! Traduzioni Francese coup de couteau Inglese stab Spagnolo cuchillada Italiano coltellata Tedesco Messerstich.