Ditzionàriu in línia
de sa limba e de sa cultura sarda

abbrubudhài , vrb: brubudhai Definizione istidhigare a fora, nau de abba o cosas deasi budhindho; essire a fora, nau de s'abe noa; nau de gente, foedhare in contràriu cun arrennegu Sinonimi e contrari frofoai, ischigliare, ischiglionare, isprupudhai, sbrufare, sbrufulai Frasi lah, lah ca si ndi abbrubudhat sa pingiada! ◊ su cafei si ndi est abbrubudhau ◊ si ndi abbrubudhat su sànguini de cantu est sa tírria!◊ it'ómini travessu, si ndi abbrubudhat che lati in su casidhu! Etimo srd. Traduzioni Francese gicler Inglese to spurt Spagnolo abantar, rebosar Italiano schizzare Tedesco überlaufen.

ciúrru , nm: (su c. = nr. suciúrru) turru tzurru Definizione abba chi essit a bullu, coment'e budhindho, e fintzes chi si ndhe pesat in artu, a pressione / bufai a c. = parendhe sa buca a s'abba chi essit a bullu o falat de artu Sinonimi e contrari ischitzirodhu, isciúscidu, ispíndua, spiciurru Frasi est unu mitzarxu sempri a ciurrus ◊ carrafinas de cussas po biri a ciurru ◊ is ciurrus de sa vasca ◊ s'àcua essit a ciurrus Traduzioni Francese jet d'eau Inglese spurt Spagnolo chorro Italiano zampillo Tedesco Strahl.

irrusciàre , vrb Definizione essire a tzurros, benare a forte, a búdhidu Sinonimi e contrari spendulai, spiciurrai, tzurrai Frasi ancora li fit irruscendhe su sàmbene dai sa lanta 2. su perdonu beneitu irrúsciat dae sa fide che funtana (G.Fiore) Etimo ctl. arruixar Traduzioni Francese jaillir Inglese to spurt Spagnolo chorrear Italiano zampillare, sprizzare Tedesco hervorspritzen, sprühen.

isciúscidu , nm Definizione tzurru mannu de abba chi essit a fortza Sinonimi e contrari ciurru, spiciurru Frasi istofat a fundhu in terra finas a bíere a isciúscidu s'abba Etimo srd. Traduzioni Francese jet Inglese spurt Spagnolo surtidor, chorro Italiano zampillo Tedesco Wasserstrahl.

mizài , vrb Definizione essire abba, comente faet in is venas, in is funtanas Sinonimi e contrari benai Frasi in s'arroca mizat àcua frisca ◊ is làgrimas mizant de is ogus faendi surcus in is trempas impruinadas Etimo srd. Traduzioni Francese jaillir Inglese to spurt Spagnolo brotar, manar Italiano sgorgare Tedesco quellen, sprudeln.

spiciurrài , vrb Definizione essire a ciurrus, a tzurru, nau de sàmbene, abba o àteru deasi Sinonimi e contrari irrusciare, ispinduai, tzurrai Etimo srd. Traduzioni Francese jaillir Inglese to spurt Spagnolo manar, brotar Italiano zampillare Tedesco hervorschießen.

spiciúrru , nm Definizione abba o àteru deasi chi essit e s'inartat coment'e a bullu, a tzurru, cun fortza a cara a in artu / spiciurru de sànguni Sinonimi e contrari ciurru, isciúscidu Frasi po isbàgliu nci at furriau su frascu e nd'est bessia s'àcua a spiciurrus Etimo srd. Traduzioni Francese flot Inglese spurt Spagnolo chorro Italiano fiòtto Tedesco Strom.