Ditzionàriu in línia
de sa limba e de sa cultura sarda

abbofetài, abbofetàre, abbofitàre , vrb: bofetai Definizione pigare a bofetadas, iscúdere a ciafos; fintzes nàrrere cosa coment'e a briga, po avertimentu Sinonimi e contrari ciafitare, irbirroncare, iscarigai, istuturronare, scantergiai Frasi contivizosu essendhe donzi die mi soliat su mandrone abbofitare ◊ a Gesugristu in sa passioni sua dh'ant abbofetau e dispretziau 2. su mere dhu abbofetaiat a lassare sas bisiones macas a unu chirru (C.Frau) Etimo spn. Traduzioni Francese gifler Inglese to slap Spagnolo abofetear Italiano schiaffeggiare Tedesco ohrfeigen.

abbruncàda , nf Definizione atumbada o cropu a murros, cun is murros; cosa chi si narat coment’e avertimentu, briga; atumbada de malascigura a calecuna cosa Sinonimi e contrari irmurrada, irruncada, sbruncada / avertimentu / atumbada 3. dogni abbruncada est a su pódhighe malu… (Z.Zazzu) Etimo srd. Traduzioni Francese claque, heurt Inglese slap in the face, bump Spagnolo tortazo, morrada, choque Italiano mostaccióne, urto Tedesco Hieb auf die Schnauze, Aufprall.

abbruncài, abbruncàre , vrb: abbrunchiai, abbrunchiare, abbrunciare Definizione atumbare o iscúdere a su bruncu, a murros, e fintzes pigare a su bruncu, nàrrere cosa coment'e giaendho una briga, naendho cosa in contràriu; pònnere bruncu (in sa carrada, in s'ampudha, in su papare o, is animales, in s'erba a pàschere); rfl. èssere a primma Sinonimi e contrari abboluire, arruncare, brigare, chelcire, irmurrare, irruncare, ispochiare, sbruncai, stronciai / assansiare / adobiai, atumbae, imbronconai, trabbucai 1 / agghegiare / ammurrionare Modi di dire csn: abbruncai su frascu = artziai su frascu po bufai a bruncu; abbruncare su fogu = acontzare su fogu, sos titones Frasi fit andhendhe a s'apàlpidu, abbrunchendhe a bicos e chizolos ◊ at leadu a dereta, istontonendhe e abbrunchendhe in s'impedradu iscumbessu ◊ abbruncai un'animali chi si bollit fuiri ◊ is brebeis candu tenint ispédhiu de andai, dhas abbruncu e si firmant ◊ at abbruncau is cunsilleris sentza nimmancu dhis lassai isterri s'arrexonamentu! 2. abarras isciacuendi pratus… abbrunca de su salatieri! ◊ is brebeis funt abbrunchendi sa pastura 3. su sèneche lu cussizat severu e firmu, ma isse no resessit a abbruncare s'ammolighinamentu, pessandhe a una fémina chi no est sua Etimo srd. Traduzioni Francese heurter, claquer Inglese to give a slap (on lips) Spagnolo abofetear, golpear en los morros Italiano dare un mostaccióne Tedesco auf die Schnautze hauen.

bussinàda, bussinàra , nf Definizione cropu giau prus che àteru a cara a manu aperta / donai, ghetai, tzacai bussinadas, pigai a unu a bussinadas Sinonimi e contrari bofetada, cabbessu, ciafu, imbussinada, irbirroncu, iscantargiara, iscaputzone, iscavanada, mantuada, sparuara, sporsugada Frasi ti dòngiu una bussinada chi ti ndi arruint is casciabis! ◊ de chini apu portau in cò oi biu bussinadas mannas Etimo ctl. bossinada Traduzioni Francese gifle, claque Inglese slap Spagnolo bofetada Italiano schiaffo Tedesco Ohrfeige.

cabbéssu , nm Definizione cropu forte giau cun sa manu a cara Sinonimi e contrari bofetada, bussinada, ciafarada, irbirroncu, iscabbessu, iscantargiara, iscantulada, istuturrone, scambussara, sporsugada Frasi ti dongu un'isciarrocada de cabbessus! ◊ dhi at donau unu cabbessu de fai a tremi! Traduzioni Francese gifle Inglese slap in the face Spagnolo bofetón Italiano ceffóne Tedesco Ohrfeige.

ciafaràda, ciafaràdu , nf, nm Definizione cropu de manu giau a trempas Sinonimi e contrari bussinada, cabbessu, ciafarotu, ciafu, irbatulada, irbirroncu, iscantargiara, iscaputzone, istuturada, istuturrone Etimo srd. Traduzioni Francese gifle Inglese slap in the face Spagnolo bofetón Italiano ceffóne Tedesco Ohrfeige.

ciafaròtu, ciaferòto , nm: sciaferotu Definizione cropu de manu giau a trempas Sinonimi e contrari bussinada, cabbessu, ciafu, irbatulada, iscantargiara, iscantulada, iscaputzone, istuturada, istuturrone, mofada, sporsugada Frasi mi donat unu ciafarotu, po chistione de féminas, e dèu ndi dhi torru set'òtu! Etimo srd. Traduzioni Francese gifle Inglese slap Spagnolo bofetón Italiano sganascióne Tedesco Ohrfeige.

ciafitàre , vrb Definizione pigare a iscantarzadas, a ciafos, a bussinadas Sinonimi e contrari ilciafitare, irbirroncare, iscarigai, istuturronare, scantergiai Etimo srd. Traduzioni Francese gifler Inglese to slap Spagnolo abofetear Italiano schiaffeggiare Tedesco ohrfeigen.

ciàfu , nm: isciafu, tzafu Definizione cropu forte giau a trempas cun sa manu isparta / min. ciafitu; ciafu de nia = froca, tàpile de froca, solla Sinonimi e contrari bussinada, iscantargiara, iscaputzone, iscatulada, iscavanada, istetulada, istuturada, mantuada Frasi no isco proite no lu fato chi no ti leo a ciafos! ◊ l'inviteit a si aviare in lestresa, si no cheriat ciafos e faladas de pè Etimo itl.t ciaffo Traduzioni Francese gifle Inglese slap Spagnolo bofetón, bofetada (f) Italiano schiaffo Tedesco Ohrfeige.

iscabessàda, iscabessàta , nf: iscabitzada 1, scabessada Definizione cropu forte giau cun sa manu a su tretu tra codhu e conca, a gatzile Sinonimi e contrari bofetada, bussinada, ibbatulada, irbirroncu, iscabbessu, iscantargiara, iscantulada, istuturrone, sporsugada / cdh. scapitzoni Etimo srd. Traduzioni Francese taloche, claque Inglese slap Spagnolo pescozón Italiano scapaccióne Tedesco Kopfnuß.

iscantargiàra , nf: iscantarzada, iscantegiada, iscanterjada, iscanterjata, iscanterzada, iscantrexada, scantergiada Definizione ciafu, cropu giau a is trempas, a cantrexu, a manu aperta / leare a iscantarzadas a unu, dare un'i. Sinonimi e contrari bussinada, iscacamurrada, iscantulada, iscavanada, istuturada, mantuada, sporsugada Frasi su mastru mi at dadu una paja de iscantarzadas ◊ su pisedhu fit chin sas manos prontas a parare s’iscantarzada ◊ duos fint a cuntierra aprobe a si leare a iscanterzadas Etimo srd. Traduzioni Francese gifle Inglese slap Spagnolo bofetada Italiano schiaffo Tedesco Ohrfeige.

iscanterjàre , vrb: iscanterzare, iscantrexai, scantergiai Definizione pigare a iscanterjadas, a ciafos, a bussinadas Sinonimi e contrari abbofetai, ilciafitare, irbirroncare, iscarigai Frasi si m'iscanterzant su càvanu mancu, geo lis paro su càvanu drestu Etimo srd. Traduzioni Francese gifler Inglese to slap Spagnolo abofetear Italiano schiaffeggiare Tedesco ohrfeigen.

iscólu , nm: scolu Definizione logu inue essit calecunu lícuidu, su chi essit etotu; fundhurúgiu, pasadura de calecuna cosa in istrégiu; infetu a is arremos de sa natura chi faet essire coment'e mucu bianchixi e faet abbruxore forte candho passat s'orina / binu de i. = binu de iscupu, su frore de su mustu chi nche bocant a primu de su cupone Sinonimi e contrari cola 1, cundhutu / impestu, iscoladura, pérdida Frasi in dogni logu si formant iscolos chi current in caminos e costeras 2. cussu bagasseri bos giuro chi ndhe ghirat chin s'iscolu! Traduzioni Francese tuyau d'écoulement Inglese slap, drain Spagnolo sangradura, heces, lías Italiano scólo Tedesco Abfluß.

ispallatzàda , nf Definizione genia de cropighedhu chi si giaet cun sa manu a su codhu, a parte de apalas, in cunfidàntzia Sinonimi e contrari ispaliotada Frasi candho frades mios murrunzaiant ca nachi fio sa fiza de sa pudha bianca, mamma mi daiat un'ispallatzada Etimo srd. Traduzioni Francese tape sur l'épaule Inglese to slap on the shoulder Spagnolo palmada en la espalda Italiano pacca sulle spalle Tedesco Klaps auf die Schulter.

istuturronàre , vrb Definizione pigare a istuturrones, a ciafos Sinonimi e contrari ilciafitare, irbirroncare, iscarigai, scantergiai Etimo srd. Traduzioni Francese gifler Inglese to slap Spagnolo abofetear Italiano schiaffeggiare Tedesco ohrfeigen.

istuturròne , nm Definizione cropu de manu forte a cara, a tuturros de origa Sinonimi e contrari bussinada, ibbatulada, iscantargiara, iscantulada, iscavanada, istuturada, smantulada, sporsugada Etimo srd. Traduzioni Francese gifle, taloche Inglese slap (in the face) Spagnolo bofetada Italiano ceffóne, scapaccióne Tedesco Kopfnuß.

mofàda , nf: mufada Definizione cropu giau cun sa manu a trempas / papai a mufadas = coment'e a bufadura, a s'airada, cun allurpidura, a meda Sinonimi e contrari bussinada, ciafu, iscantargiara, iscavanada, istuturada, smantulada, sporsugada 2. dh'at puntu un'espi a sa língua comenti fiat papendi unu troni de àxina a mufadas Etimo srd. Traduzioni Francese gifle, tarte Inglese slap in the face Spagnolo bofetada Italiano sbèrla, ceffóne Tedesco Ohrfeige, Maulschelle.

scantergiàda , nf: iscantarzada*, scantraxada, scantrexada, scrantaxada, scrantexada, screntexada Definizione ciafu, cropu giau a is trempas, a cantrexu, cun sa manu aperta Sinonimi e contrari bofetada, bussinada, irbirroncu, iscantulada, iscaputzone, istuturada, smantulada, sporsugada / cdh. scantigiata Frasi geadidhi una scantraxada, sa maista! ◊ femu làngia che obbilu: cun d-una scrantaxada m'indullemu che filu Traduzioni Francese gifle Inglese slap Spagnolo bofetada Italiano schiaffo Tedesco Ohrfeige.

sciaferòtu , nm: ciafarotu* Definizione cropu de manu giau a is trempas Sinonimi e contrari bussinada, cabbessu, irbatulada, irbirroncu, iscantargiara, iscaputzone, istuturrone, sporsugada Traduzioni Francese gifle Inglese slap Spagnolo bofetón Italiano ganascióne Tedesco Ohrfeige.

tzugàda , nf: sugada Definizione cropu giau cun sa manu a su tzugu Sinonimi e contrari ibbatulada, iscabbessu, iscabessada Frasi no si podint pentzai totu is imprassadas, tzugadedhas, is ispítzulus mancai de fradis, chi Opinedhu iat arriciu in cussa cumboja de atoris Etimo srd. Traduzioni Francese claque Inglese slap Spagnolo pescozón Italiano scappellòtto Tedesco Kopfnuß.