Ditzionàriu in línia
de sa limba e de sa cultura sarda

arràlla , nf Definizione chistionu, prus che àteru chentza cabu Sinonimi e contrari argiolu 1, badàcia, bataralla, ciaciarra, ciàvana, prafata Frasi s'arralla manna est iscopiada sa die chi su frade los at acataos a pretu ◊ teniat pagu ganas de fai arrallas ◊ innui at arralla at genti Etimo srd. Traduzioni Francese bavardages Inglese gossip Spagnolo habladuría, charla Italiano mormorazióne, ciarla Tedesco Murmeln, Gerede.

arrallài , vrb: arralliare Definizione nàrrere, foedhare, istare a chistionu, naendho no sèmpere e ne pruschetotu cosas de giudu; su si foedhare apare in su sensu de àere tratamentu, èssere in bonas Sinonimi e contrari faedhare / argiolae, arremonae, badaciare, badulare, ciaramedhare, friganzare, paraletare, tragagiai, tzarritare Frasi at bufau tropu e no est arrallendi in sentzu ◊ ita megas de arrallai? ◊ dèu arrallu e mi fatzu cumprendi ◊ as fatu arrallai totu su mundu, a ti cojai cun cussu! ◊ est in pratza po arrallai cun sa genti ◊ cussu no iscít arrallai ne in sardu e ne in italianu 2. is propietàrius cun pagu genti arrallànt Etimo ctl. rallar Traduzioni Francese jaser, murmurer Inglese to gossip Spagnolo charlar Italiano mormorare, ciarlare Tedesco murmeln, schwatzen.

badàcia , nf Definizione su istare sèmpere foedhandho naendho isciolórios, cosas chentza cabu Sinonimi e contrari argiolu 1, arralla, bataralla, ciaciarra, ciaramedha, tzàntzara Frasi cun totu sa badàcia issoro, no sunt reséssidos a fàghere diventare sa tzitade neta e moderna Etimo srd. Traduzioni Francese babillage Inglese gossip Spagnolo charla Italiano ciarla Tedesco Gewäsch.

bodhèta , nf Definizione cosa chi si narat a s'afaiu, de s'unu e de s'àteru; una cambarada, chedha, unas cantu personas impare Sinonimi e contrari colessu, contulàntzia, crítica, istrísina, licutu, limbizada, naravèglia, noedha, prillissu / cdh. budheu Frasi ti dha faint, sa bodheta, chi dhu scit sa genti! 2. una bodheta de féminas iat pesau avolotu po nci bogari su segretàriu cumunali Traduzioni Francese racontar Inglese gossip Spagnolo murmuración, habladuría Italiano dicerìa Tedesco Gerücht, Gerede.

ciafarétzu , nm Definizione cosa fata male, a improdhu; chistionu a s'afaiu Sinonimi e contrari abbaunzu, aciorodhu, alleghinzu, ammammungiadura, coredhu, impiastru / bodheta, contuliu, istrísina, naravèglia Etimo ctl. safareig Traduzioni Francese potin, commérage Inglese gossip Spagnolo chisme Italiano pettegolézzo Tedesco Klatsch.

contularjàre , vrb: contularzare Definizione cricare contos, allegas, chistionos angenos, nàrrere bodhetas, criticare, alleghetare Sinonimi e contrari afoghilare, allicuterai, crastulai, criticai, licutai, lollughinare, lorodhare, pidanciulai, piscinargiai, pistizonare, spisciulari, trobedhare 1, zudicare Frasi cussa est fémina de cusséntzia e no istat contularjandhe peri sos fochiles ◊ sa bidha contularjat e bocat a pizu sas leredhas 2. istaiant abbandha, ne bidos e ne contularzados Etimo srd. Traduzioni Francese cancaner, jaser Inglese to gossip Spagnolo cotillear, chismorrear Italiano pettegolare Tedesco schwatzen.

crastulài, crastulàre , vrb Definizione istare naendho a s'afaiu de s'unu e de s'àteru cosas chi no dh'important, cricare is chistiones angenas Sinonimi e contrari allicuterai, afoghilare, chiscuzare 1, contularjare, criticai, leuterare, lorodhare, naravegliare, pistizonare, zudicare Frasi funt andaus a foras a pigai friscu e a crastulai! ◊ fimus restatos fenas a note crastulanne Etimo srd. Traduzioni Francese potiner Inglese to gossip Spagnolo chismorrear, cotillear Italiano spettegolare Tedesco schwatzen.

cràstulu , agt, nm Definizione chi o chie tenet s'abbitúdine de istare criticandho a s'unu e a s'àteru; nau de sa boghe, chi est arta, forte Sinonimi e contrari alleghinzanu, bodheteri, colesseri, contulàgliu, crastuleri, fominzu, foxileri, liuteri, livitzanu, lorodhosu, novedharzu, piscinàrgiu / scrillitosu Frasi fiat una fémina cràstula, sempri fuedhendi de is fatus allenus Terminologia scientifica ntl Etimo srd. Traduzioni Francese cancanier, perçant, criard Inglese gossip, tattler, strident Spagnolo chismoso Italiano pettégolo, strìdulo Tedesco geschwätzig, Schwätzer, grell.

ditàda , nf Definizione cosa, bodheta chi narant in giru peri su logu, nova; cossígiu de ccn. chi tenet autoridade / fàghere una cosa a d. de… = fai comenti at cuntzillau su… Sinonimi e contrari bodheta, contulàntzia, istrísina / avelténtzia, incumandha, pertzetu Frasi no bisonzat a crere a totu sas ditadas de sa bidha ◊ tia Ciòcia aiat batidu sa ditada e dai domo in domo in tota sa bidha esseit sa boghe (A.Langiu) 2. isse faghet totu a ditada de su cunfessore Etimo srd. Traduzioni Francese racontar, conseil Inglese dictate, gossip, councel Spagnolo murmuración, consejo Italiano dicerìa, consìglio, dettame Tedesco Gerücht, Ratschlag, Vorschrift.

illimbaméntu , nm Definizione totu su chi de malu e chentza arrexone si narat de s’àteru Sinonimi e contrari aferritadura, aferritamentu, bodheta, tragàgiu Etimo srd. Traduzioni Francese médisance Inglese gossip Spagnolo maledicencia Italiano maldicènza Tedesco übles Gerede.

intzúgliu , nm, nf: inzulzu, inzúriu, inzurja, inzurju, inzurza Definizione male chi si narat de s'àteru, fintzes acusa falsa, cosa chi si narat a unu a disonore, a befa, po dhu bogare in bregúngia e ofèndhere; a logos, inzurju est annomíngiu, ingiúliu Sinonimi e contrari abbómbinu, bergugna, inzurjadura, menisprésiu, ofensa Frasi no mi movent pro nudha sos inzulzos de tzertos nanos chi si crent zigantes (P.Casu)◊ bi at càntidos de inzúriu, de tzascu e de allerghia ◊ a fortza de intzúglios nche ghetant mancari a Zobbe! 2. sos ammentos li fint brinchendhe in conca, paris cun s'inzurza chi li aiant ghetadu sos cumpanzos ◊ cussu est inzurju chi dolet! ◊ Elias l'aiat bocau fora garrigándhelu de inzurja, e bochinándheli de non si torrare a acrarare a su cubile Traduzioni Francese médisance, injure Inglese gossip (malicious), affront Spagnolo maledicencia, injuria Italiano maldicènza, ingiùria, contumèlia Tedesco übles Gerede, Beleidigung.

isbarabotàre , vrb: ispabarotare, ispaboratare, ispaparrotai, spaparotai Definizione foedhare meda e chentza bisóngiu, tzerriare, foedhare a tzérrios, nàrrere cosa de is àteros Sinonimi e contrari abbochinare, argiolae, arrallai, ciaramedhare, ciarrai, paraletare Frasi cun gopai ita totu eis ispaparrotau? 2. "Bos ant gitu dae sa pira a sa mela, sezis andhados che su chiliru a s'abba" est una manera de faedhare in cobertànscia pro no ispaboratare, chena ofesa Etimo srd. Traduzioni Francese crier Inglese to yell, to gossip Spagnolo vociferar Italiano vociare Tedesco schreien.

lorodhàre , vrb Definizione istare a chistionu chentza cabu, naendho male de s'unu e de s'àteru; fintzes imbrutare Sinonimi e contrari afoghilare, allicuterai, chiscuzare 1, contularjare, crastulai, criticai, lollughinare, pidanciulai, piscinargiai, zudicare Frasi colant s'ora abbaidendhe a chie passat, lorodhendhe e ammentendhe cudhu tempus chi no torrat prus 2. mi fateit a bombitare s’ischifu pro sas cosas mias lorodhadas Etimo srd. Traduzioni Francese potiner Inglese to gossip Spagnolo chismorrear, cotillear Italiano spettegolare Tedesco klatschen.

narínzu , nm Definizione cosa chi si narat, su nàrrere Sinonimi e contrari chistionu, incionada, nada, naratia, naravèglia, nareju, naronzu Frasi no sunt pessandhe a cussu narinzu de malas dirgràssias ◊ pustis de sas botassiones si sunt asseliaos sos narinzos Etimo srd. Traduzioni Francese racontar Inglese gossip Spagnolo habladuría, chisme, rumor Italiano dicerìa Tedesco Gerücht, Ruf.

pidanciulài , vrb: piranciulai Definizione istare sèmpere naendho dónnia cosa a s'unu e a s'àteru, fintzes cosas chi iant a istare méngius chentza dhas ischire, fintzes istare in giru chentza cabu Sinonimi e contrari contularjare, crastulai, lendhare, lorodhare, piscinargiai, pistizonare Etimo srd. Traduzioni Francese rapporter, moucharder Inglese to gossip Spagnolo charlar, cotillear Italiano svesciare, gironzolare Tedesco ausplaudern.

piscinargiài , vrb Definizione istare foedhandho de s'unu e de s'àteru deasi chentza cabu, tanti po foedhare de ccn. Sinonimi e contrari allicuterai, contularjare, crastulai, lorodhare, pidanciulai, pisigulare, pistizonare, spisciulari, trobedhare 1 Etimo srd. Traduzioni Francese cancaner, bavarder Inglese to gossip Spagnolo chismorrear Italiano pettegolare Tedesco klatschen.

pisibísi 1 , nm Definizione su foedhare chi si faet a boghe bàscia, agiummai a iscúsiu, nau pruscatotu in su sensu de bodheta Sinonimi e contrari alleghinzu, chischisiada, contuliu, ispibisu, lollúghine, lolluine, pisighinzu, pispisu, visivisi Frasi s'intendhet su pisibisi de sa zente ◊ sas notas de su Babbunostru e sa mímula de su Rosàriu aiant asseliau su pisibisi malinnu de cussos zuzes Etimo srd. Traduzioni Francese chuchotement, commérages Inglese whisper, gossip Spagnolo bisbiseo, chisme, habladuría Italiano bisbìglio, pettegolézzo, mormorìo Tedesco Flüstern, Murmeln, Klatsch.

trísina , nf: istrísina*, tríxina Definizione cosa, allega, chistione chi si narat o chi si cricat chentza importu Sinonimi e contrari bodheta, naravèglia / alleca Frasi cantas trísinas ti batint, a tie, a pes! ◊ no bisonzat a pesare orijas a sas trísinas de sa bidha! Traduzioni Francese racontar Inglese gossip Spagnolo rumor, chisme Italiano dicerìa Tedesco Gerücht.