Legenda Abbreviazioni | Legenda Simboli

bíta 1 , nf: vita Definizione genia de sisia, fintzes po acapiare is pilos, is trícias; tira de orrobba, donniuna de is duas codriolas chi poderant apicau su majolu in pitzu de sa mola Sinonimi e contrari beta 1, triciajoba Frasi su bitueri bendhet bitas ◊ sa tèmpera de su trigu si depit billai, artziendi o calendi bita a su majolu ◊ intendendu custu, lassat de fibai, lassat fusu e bita Cognomi e Proverbi smb: Bitta Etimo ltn. vitta Traduzioni Francese ruban Inglese ribbon Spagnolo cinta Italiano nastro, cordicèlla Tedesco Band, Streifen, Schnürchen.

chinghédhu , nm: cignedhu, cingedhu, cinghedhu, singedhu Definizione tira de cosa, mescamente de pedhe, cun sa tíbbia, o fintzes codriola de acapiare in chintzu, chintórgiu; oru de telu de lana Sinonimi e contrari chintòglia, chíntula, lorita, tzinta / tzíngulu Frasi in su chinghedhu portaiat s'ortigione cun sa màniga trabballada (R.Sardella)◊ mannoi iscudiat a cinghedhu ◊ tzia mi at curtu a chinghedhu ◊ acabbadha, citidi e bufa ca ci no seo piganno su cignedhu! Traduzioni Francese lacet, cordon, ruban Inglese small belt Spagnolo oruga Italiano cìntolo, cìngolo Tedesco Band, Raupenband.

fèta , nf: beta 1, veta Definizione tira longa de orrobba (a logos fintzes orrughedhu de petza, isaladura de su mannale)/ genias de feta: capiciola, rasada, rigada, undada / min. fetixedha; pònnere sa f. a órulu, a orulare traste = ifetare Sinonimi e contrari bita 1, filliocu, friseta, frisu, triciajoba Frasi lu besteint de fetas e de frocos ◊ za si ndhe at postu de zizios e de fetas, cussa!…◊ sa feta biaita la giughent sos segnores a presolzu de giae…◊ su piciochedhu portàt una feta niedha in sa màniga ca si fiat morta sa mama Terminologia scientifica ts Etimo itl. fetta Traduzioni Francese ruban Inglese ribbon Spagnolo cinta Italiano nastro Tedesco Band.

frísu , nm Definizione sisia po acapiare s'imbustu a sa parte de ananti; tirighedha de cosa, de orrobba, de làuna Sinonimi e contrari beta 1, bita 1 Etimo itl.p fris Traduzioni Francese ruban, bribe, fragment Inglese ribbon, strip Spagnolo cinta, banda, tira Italiano nastrino, bindèllo Tedesco Bändchen, Metalltrennband an Konservendosen.

listòne , nm: listrone Definizione tira de orrobba: genia de bendha de acapiare in conca is féminas, o de acapiare in chintzu a frocu mannu in su costúmene de alligria, genia de frocu bellu de seda chi sa comare giaiat a sa mama de su pipiedhu batiau Frasi tres listrones brutados mi ponzo in sa bunnedha pro candho benit sa morte ◊ acudint a fiotu cun listrones e bandheras Etimo itl.p liston Traduzioni Francese ruban Inglese ribbon Spagnolo cinta Italiano nastro Tedesco Band.

«« Cerca di nuovo