Legenda Abbreviazioni | Legenda Simboli

chinghédhu , nm: cignedhu, cingedhu, cinghedhu, singedhu Definizione tira de cosa, mescamente de pedhe, cun sa tíbbia, o fintzes codriola de acapiare in chintzu, chintórgiu; oru de telu de lana Sinonimi e contrari chintòglia, chíntula, lorita, tzinta / tzíngulu Frasi in su chinghedhu portaiat s'ortigione cun sa màniga trabballada (R.Sardella)◊ mannoi iscudiat a cinghedhu ◊ tzia mi at curtu a chinghedhu ◊ acabbadha, citidi e bufa ca ci no seo piganno su cignedhu! Traduzioni Francese lacet, cordon, ruban Inglese small belt Spagnolo oruga Italiano cìntolo, cìngolo Tedesco Band, Raupenband.

coldòne , nm: cordone, cordoni Definizione genia de codriola, grussita o fine, segundhu ite; oru longu, chi essit in calecunu muru, ischina o ischinale de teulada Sinonimi e contrari cordozu 1, turrutu Modi di dire csn: c. de muru, de muneda; c. de arretza = aundi si atacant is gamus; c. de para = su cordone chi sos padres zughent imboligadu presu in chitu, subra de s'àbbidu; c. de su butone = saita, itl. funìcolo spermàtico; c. de s'imbíligu o de bídhiu = saita, itl. cordóne ombelicale Frasi su predi, acabbada sa missa, inghitzat a s'iscapiai su cordoni de chintzu ◊ sa maista de partu at segau su cordone de s'imbíligu a su pipiu candho est naschiu Cognomi e Proverbi smb: Cordone, Cordoni Etimo itl. Traduzioni Francese cordon Inglese string Spagnolo cordón Italiano cordóne Tedesco Schnur.

imbíliche, imbílicu , nm: imbílighe, imbíligu, immíligu Definizione in sa carena, su nodu chi abbarrat de su cordone, e su cordone etotu (genia de codriola) chi finas a naschire mantenet su fedu totu a unu cun sa carena de sa mama (est coment’e arraighinau in sa segunda, aintru de sa madre) e chi, apustis naschios, si ndhe segat e abbarrat coment’e a nodu e a fossedhu in mesu de sa bentre a parte de fora (in su cristianu a s’artària de su chintzu) Sinonimi e contrari bídhigu / ttrs. imbírigu Modi di dire csn: fàghere s'i. a sa criadura, candho naschit; prèndhere s'i. a unu = imbovai sa genti; fàgheresi s'i. che rosa = satzaisí a meda; zúghere s'i. cantu unu canistedhu = èssere matimannu; èssere a imbíliche in foras = a bentre nuda; i. maltzidu = itl. onfalite Frasi candho sa criadura naschet ndhe li segant su cordone de s'imbíligu e li faghent unu nodu ◊ su commendatore fit chin s'imbílicu cantu unu canistedhu ◊ s'imbílighe che basolu est tundhu e purpurinu 2. no ti fides de cussu incruvu: prendhet s'imbíligu finas a su demóniu! ◊ cussu in su negússiu prendhet s'imbíligu a totus! Terminologia scientifica crn Etimo ltn. umbilicus Traduzioni Francese nombril, cordon ombilical Inglese navel, umbilical cord Spagnolo ombligo, cordón umbilical Italiano ombelico, cordone ombelicale Tedesco Nabel, Nabelschnur.

saíta , nf Definizione in s'animale mascu e in s'ómine, donniunu de is duos cundhutos o cordones de is butones inue passat su sèmene fintzes a una genia de busciuchedha (duas) chi chistit su sèmene fintzes a bogare Sinonimi e contrari bitas, subiles Frasi in sa crastadura si ndhe segant sos butones e si prendhent sos cabos de sas saitas Terminologia scientifica crn Etimo ltn. sagitta Traduzioni Francese cordon spermatique Inglese spermatic cord Spagnolo funículo espermático Italiano funìcolo spermàtico Tedesco Samenstrang.

subíles , nm pl Definizione in s'animale mascu, is cundhutos de is butones ue passat su sèmene po ndh'essire Sinonimi e contrari bitas, saita Terminologia scientifica crn Traduzioni Francese cordon spermatique Inglese spermatic cords Spagnolo cordón espermático Italiano cordóni spermàtici Tedesco Samenstränge.

«« Cerca di nuovo