Ditzionàriu in línia
de sa limba e de sa cultura sarda

arxentziósu , agt, nm Definizione chi o chie s'ingéniat e faet, trebballat e si arràngiat Sinonimi e contrari abbretiosu, ingeniosu, talentosu Etimo srd. Traduzioni Francese industrieux Inglese industrious Spagnolo industrioso Italiano industrióso Tedesco betriebsam.

ingeniósu , agt: inginnosu, inzeniosu Definizione chi s'ingéniat, chi tenet ingéniu; chi andhat a géniu, chi praghet Sinonimi e contrari ammaniosu, artigiosu, indelletosu, inzegnistu, inzeniache / geniosu / abbretiosu, acussu Frasi fit inzeniosu e ispavillu che unu matzone 2. fuant prus ingeniosas cun sa genti chi beniat a domu Etimo itl. Traduzioni Francese ingénieux, industrieux Inglese ingenious Spagnolo ingenioso, que cae bien Italiano ingegnóso, industre Tedesco findig.

trabagliadòre , agt, nm: traballadori, trabballadore, trabballadori, travagliatore, travalladore, travallatore, triballiadore, trivagliadore, trobagliadore Definizione (f. –a) chi o chie trebballat, est trebballandho; chi o chie est donau a su trebballu, trebballat meda Sinonimi e contrari lavorante, marasadore / cdh. trabadhanti, trabadhoni | ctr. mandrone Frasi chini bisat trabballadoris a istracu baratu e masedus, chini trabballadoris cun sa tèssera de su sindacau o de su partidu (F.Carlini) 2. fiza de zente travallatora, at imparatu dae criatura sos secretos de una bona mere de domo ◊ si no fumis istados tribagliadores bonos, in s'alzola bi fumis istados una chida e no tres dies!◊ babbu meu est onestu e trobagliadore fentomadu Etimo srd. Traduzioni Francese industrieux, travailleur Inglese industrious Spagnolo trabajador Italiano industre, lavoratóre Tedesco arbeitsam.