Legenda Abbreviazioni | Legenda Simboli

alàse , nm: alasi, alàsia, alàsiu, olasi Definizione aràngiu burdu o aresti, genia de linna dereta (ma atrotigada) chi faet a mata fintzes manna, corgiolu birde, fògia ispinosa in is oros (in is cambos prus bàscios o candho est a prantone piticu) e frutighedhu (sa calidade fémina) a pibionedhu tundhu, orrúbiu, a gurdonedhu: faet in montes unu pagu artos / orruos de alasi = sas naes prus bassas de cust'àrbure segadas a ischimadura dae su truncu, manizadas pro fàghere frama meda Sinonimi e contrari arangiubburdu, banatuli, colóstiu, elatori, golosti, lauspinosu Terminologia scientifica mtr, Ilex aquifolium Etimo srdn. Traduzioni Francese houx commun, laurier piquant Inglese holly Spagnolo acebo Italiano agrifòglio Tedesco Stechpalme.

frúschiu 1 , nm: frúsciu 1, fruscru, fruscu Definizione genia de tupighedha pitica, totu birde, cun is cambos chi parent fògias, punciudas chi punghent: faet unu frutighedhu tundhu orrúbiu (mela ’e frúschiu o meledha úrpina)/ ruju che f. = ruju meru, ruju cotu Sinonimi e contrari brúsciu 1, buscadinu, grúspinu 1, lauspinosu, melaevrúschinu, piscialetu, ruju 2, rúschiu, sorighina 1, spinadopis / cdh. pugniratzu Terminologia scientifica rbl, Ruscus aculeatus Etimo ltn. *brusculum Traduzioni Francese houx Inglese butcher's broom Spagnolo rusco, arrayán silvestre Italiano pungitòpo Tedesco Stachliger Mäusedorn.

golósti, golóstiche, golóstise, golóstiu , nm: bolostru, colóstiu, golostri, golostru Definizione alàsiu, genia de linna tènnera (ma atrotigada de longu) chi faet a mata fintzes manna, corgiolu birde, fògia ispinosa in is oros (in is cambos prus bàscios ebbia o candho est a prantone minore) e (sa mata fémina) frutighedhu tundhu, orrúbiu: faet in montes unu pagu artos Sinonimi e contrari alase, arangiubburdu, banatuli, elatori, lauspinosu Frasi mi aiat frusciadu dae su litighedhu de sos golóstios in risposta a su giuilare meu (N.Falconi) Terminologia scientifica mtr, Ilex aquifolium Etimo srdn. Traduzioni Francese houx, laurier piquant Inglese holly Spagnolo acebo Italiano agrifòglio Tedesco Stechpalme, Ilex.

grúspinu 1 , nm: gruspis, grúspiu 1 Definizione genia de tupighedha pitica, totu birde, cun is cambos chi parent fògias, puntudas, a ispina: faet unu frutighedhu orrúbiu, tundhu (mela ’e frúschiu o meledha úrpina, grúspina) Sinonimi e contrari brúsciu 1, buscadinu, frúschiu 1, melaevrúschinu, piscialetu, spinadopis / cdh. pugniratzu Terminologia scientifica rbl, Ruscus aculeatus Etimo srd. Traduzioni Francese houx Inglese butcher's broom Spagnolo brusco Italiano pungitòpo Tedesco Mäusedorn.

olósti, olóstiche, olóstiu, olóstri, olóstrighe, olóstriu, olóstru , nm: bolostru, colóstiu, cóstiu, golosti* Definizione genia de linna chi faet a mata fintzes manna, corgiolu birde, fògia ispinosa in is oros (in is cambos prus bàscios o candho est a prantone piticu) e frutighedhu a pibionedhu tundhu, orrúbiu: faet in montes unu pagu artos Sinonimi e contrari arangiubburdu, banatuli, elatori, lauspinosu, oióstiri Terminologia scientifica mtr, Ilex aquifolium Traduzioni Francese houx Inglese holly Spagnolo acebo Italiano agrifòglio Tedesco Stechpalme.

«« Cerca di nuovo