Legenda Incurtzaduras | Legenda Sìmbulos

chistiónu , nm Definitzione totu su chi si narat de una chistione, de un'argumentu, mescamente foedhandho s'unu cun s'àteru; su istare foedhandho de calecuna cosa Sinònimos e contràrios alleca, allegonzu, arragionu, cuntrastu, narinzu, negóssiu Maneras de nàrrere csn: zúghere una cosa in c. = fuedhai de una cosa; intrare in c. cun d-unu = fuedhai, chistionai de ccn. cosa cun d-unu, leare chistionu; bènnere a chistionu = agatàresi paris a chistionare Frases za l'apo intesa cuss'allega ca la zughiant in chistionu in domo de Bodale ◊ mi mintiat pore su chistionu a cuscusinu de cristianos chi no bidia 2. candho sunt paris istant semper a chistionu: ndhe agatant cosas de nàrrere!…◊ goi e goi, semus intrados in chistionu cun Fulanu ◊ isse no fuit a primma cun megus: fuit solu chi no benimis a chistionu Ètimu srd. Tradutziones Frantzesu conversation, argument Ingresu talking Ispagnolu conversación, discurso, asunto, tema Italianu conversazióne, dïàlogo, discórso, argoménto Tedescu Gespräch, Rede.

cuntràstu , nm: cuntrestu Definitzione su istare foedhandho cun ccn. arrexonandho de calecuna cosa / leare cuntrestu de carchi cosa = leare chistionu, chistionai de ccn. cosa Sinònimos e contràrios alleca, arragionu, chestione, chistionu, discussura, negóssiu Frases o faedhet onestu o càmbiet cuntrestu! ◊ Pilatu, in chirca de abbambagare su pópulu, sighit cun sos cuntrestos suos faedhendhe de totu su bene chi Gesús lis at fatu ◊ intendhendhe sa ragalla, si sunt acurtziados a ue fint cudhos pro ndhe collire s'assuntu de su cuntrestu Tradutziones Frantzesu conversation Ingresu argument Ispagnolu discusión Italianu discussióne, conversazióne Tedescu Diskussion.

negóssiu , nm: negossu Definitzione su foedhare chi si faet tra personas de una chistione Sinònimos e contràrios arragionu, chistionu, cuntrastu Frases sunt a negóssiu, favedhandhe de cunzaos ◊ fint favedhandhe de dommos a candho ant lassau cussu negóssiu e ndh'ant picau un'àteru ◊ ant sichiu su biazu sèmpere a negóssiu Ètimu srd. Tradutziones Frantzesu conversation Ingresu conversation Ispagnolu conversación Italianu conversazióne Tedescu Unterhaltung, Gespräch, Konversation.

«« Torra a chircare