ischídu , pps, agt: ischiu 1, scípiu Definitzione de ischire; nau de ccn., chi ischit, chi tenet istúdiu, nau de cosa, chi s'ischit Sinònimos e contràrios ischípidu / istudiadu / connotu, ladinu | ctr. segretu Frases ischidu ndh'as de cussa cosa? ◊ pro bi l'àere ischidu chi faghiat gai!… de seguru no mi l'aia cramadu a domo! 2. sas cantones sardas las legent prus sos illiterados chi no sos ischidos ◊ intendhendhe a issu, ischiu de totu custas cosas, si ndhe fit cuntentau Tradutziones Frantzesu cultivé, savant Ingresu known, learned Ispagnolu sabido, docto, erudito Italianu saputo, cólto, dòtto Tedescu bekannt, gebildet.

nàdu 1 , pps, agt, nm: natu, nau Definitzione de nàrrere: est incurtzau de naradu e s'impreat fintzes in su sensu de sa cosa chi si narat mescamente coment'e contu o díciu Sinònimos e contràrios narau / contadu, nada 2. ca fit ómine de savímene, chin pacas paràulas vene natas los poniat totu a sa muta 3. de su nau a su fatu nc'est grandu diferéntzia Tradutziones Frantzesu dit, dicton Ingresu said, told, known as, saying Ispagnolu dicho Italianu détto Tedescu gesagt, gennant, geheißen.

scípidu, scípiu , pps, agt: ischípidu Definitzione de sciri; nau de ccn., chi ischit meda, chi at istudiau Sinònimos e contràrios addotrinadu, ischidu, istudiadu / connotu, ciaru, ladinu 2. Antoni Sanna, professori de linguística sarda in s'universidadi de Castedhu, fiat scípiu de glotologia e filologia romanza Tradutziones Frantzesu su, érudit, manifeste, connu Ingresu known, learned, evident Ispagnolu sabido, culto, resabido Italianu saputo, cólto, palése, risaputo Tedescu gewußt, gebildet, offenbar.

«« Torra a chircare