fetiànu , agt, nm, avb: betianu, fitianu, fitàniu, vitàniu Definition chi o chie andhat fatuvatu a unu logu o fatuvatu faet una cosa, chi faet una cosa bortas meda, chi est abbituau a dha fàere, comporadore afitianadu; chi est de dónnia die; avb. dónnia tanti, a sa sighia Synonyms e antonyms borrochianu, fitinu, fracóngiu / fetivu, istóbbile, petivu, supriu / fatuvatu, fissienti Sentences bestires fitianos, su pane fitianu ◊ s'istipéndhiu no li bastat a parare fronte a sos gastos fitianos ◊ isse est fetianu a su binu ◊ sa fide in Cristos si vivet in sas cosas de fitianu ◊ sa meurra cantat fitiana 2. cussa butega est perdindhe sos fitianos ◊ cussu est fitianu meu: benit sempre a si fàghere sas bestimentas ◊ su molinàrgiu andàt a is domus de is fitianus a pigai su trigu 3. cussos pantalones si che los at postos a fitianu ◊ fitianu la giamo, ma no bi at isetu de la bídere! ◊ sa richesa in domo tua abbundhet fitianu! Translations French assidu, quotidien, client English assiduos, frequent (ly), daily, regular customer Spanish asiduo, diario, cotidiano, cliente Italian assìduo, incessante, frequènte, quotidiano, avventóre German ununterbrochen, täglich, Stammkunde.

fetívu , avb, agt: fitivu Definition chi est a sa sighia, sèmpere Synonyms e antonyms fetianu, petivu Sentences no fit sentza motivu chi urulendhe fitivu sos canes mi aterriant su reposu! (P.Mossa)◊ ístabbi fitivu tzochendhe, in gialdinu, e de tantu in tantu dae s'atocu a sos puzones! ◊ su cantadore torrat fitivu a sa festa 2. fia duos annos fitivos in s'ispidale ◊ como isse est petivu, in su postu Translations French assidûment, incessant English assiduously, unceasing Spanish asiduamente, incesante Italian assiduaménte, incessante German ununterbrochen.

«« Search again