Ditzionàriu in línia
de sa limba e de sa cultura sarda

bodhèta , nf Definition cosa chi si narat a s'afaiu, de s'unu e de s'àteru; una cambarada, chedha, unas cantu personas impare Synonyms e antonyms colessu, contulàntzia, crítica, istrísina, licutu, limbizada, naravèglia, noedha, prillissu / cdh. budheu Sentences ti dha faint, sa bodheta, chi dhu scit sa genti! 2. una bodheta de féminas iat pesau avolotu po nci bogari su segretàriu cumunali Translations French racontar English gossip Spanish murmuración, habladuría Italian dicerìa German Gerücht, Gerede.

incionàda , nf: insonada, intzonara, issonada Definition coment’e sonu o sonada, su chi s'intendhet o chi si assaborit o si arrennescet a cumprèndhere in giru de una chistione, de ccn.; fintzes cosa chi si narat in cobertantza, po chi calecunu cumprendhat Synonyms e antonyms incionnu, lúmena, lumenada, nada, nemonada, nomena, sonedhu Sentences ndi apu inténdiu un'incionadedha, de cussa coja, ma sa coja biu ca no s'iscrarit ◊ desuncuna pigat a sonai a s'insonada de s'andimironai ◊ contamí totu, chi bollu isciri cumenti est s'intzonara! ◊ custu durciori e marigosori impari est s'insonada de fundu de sa trassa sua ◊ candu at inténdiu s'insonada si ndi est andau coitendi 2. s'intzonara de su contu est po cussus chi sa sorti dhis at donau nobbilesa ma ndi dhis at pigau su bonu pentzai (A.R.Maxia) Etymon srd. Translations French racontar English rumour Spanish rumor Italian fama, dicerìa German Gerücht.

inciónnu , nm: insóniu, insonu, issóniu, issonu Definition agiummai coment'e sonu, cosa chi ischint o chi narant in medas de unu, siat in bonu e siat in malu / sa bidha est a insonu = in bidha est essida sa boghe chi… Synonyms e antonyms díciu / alleca, arviedhu, nova / incionada, lúmena, lumenada, nada, nemonada, nomena, sonedhu Sentences cun istruendu e insóniu terrore inoghe isparghias! ◊ sa zente pessat chi de totu s'issóniu, de totu su machine de sa vida, arreat petzi su cherinzu vene ◊ abba passada no traet molinu, abba passada no faghet issonos (Cubeddu)◊ si azis issonu nàzinnos cosa! 2. custus funt dícius e incionnus de su Sulcis 3. a cussu malu issonu, su babbu lasseit andhare un'úrulu ◊ sunt tantos annos chi no ti apo bidu ne de te piús apo intesu insonu ◊ de candho at intesu cussu insonu, chi sa fura faghet cussu efetu, furat isse puru 4. no ailti de ladru cuss'insonu Etymon srd. Translations French diction, nouvelle, bruit English saying, news, reputation Spanish dicho, rumor, fama Italian détto, notìzia, fama German Spruch, Nachricht, Gerücht.

lúmena , nf Synonyms e antonyms incionada, incionnu, lumenada, nomena Translations French renommée, réputation English fame Spanish nombradía, fama Italian fama German Gerücht, Ruf, Ruhm.

nàda , nf: narada, narara Definition cosa chi si narat (mescamente a s'afaiu, de s'unu e de s'àteru), cosa chi s'ischit o chi si narat de unu, fintzes manera de nàrrere / essire de totuna narada = totus a una boghe, cuncordos Synonyms e antonyms bodheta, contulàntzia, naravèglia, naratia, narinzu / fama, incionnu, lúmena, sonedhu Sentences cussas nadas s'intendhent in bidha ◊ ite che fato inchesuradu a frazados impreos e a nadas cobertas de murgone? ◊ est essida sa narada de su tali…◊ ruiant solas solas sas naradas de babbu argumentosas ◊ su mundhu isperimenta, no cretas a is naradas! ◊ làstima po mei su èssiri crétiu is naradas tuas! ◊ si funt istorraus po is nararas allenas ◊ no pongais a menti a totu is naradas ch'intendeis! Etymon srd. Translations French racontar, réputation English rumour, fame, reputation Spanish habladuría, rumor, fama Italian dicerìa, vóce, fama German Gerücht, Ruf.

naravèglia , nf, nm: naravégliu, naravella Definition cosa chi si narat in giru, de s'unu e de s'àteru, fintzes contighedhu de foghile Synonyms e antonyms bodheta, busudhu, licutu, nada, naíbbulu, naranara Sentences pro tzertas naravèglias no ti primmes, làssalos nàrrere! ◊ crè o no crè, in su pessamentu mi prammizaia totu sas naravellas intesas dai sos mannos ◊ detzi cussu naravégliu si che intendhet in bidha! Translations French racontar English rumour Spanish habladuría, chisme, rumor Italian dicerìa German Gerücht, Ruf.

narínzu , nm Definition cosa chi si narat, su nàrrere Synonyms e antonyms chistionu, incionada, nada, naratia, naravèglia, nareju, naronzu Sentences no sunt pessandhe a cussu narinzu de malas dirgràssias ◊ pustis de sas botassiones si sunt asseliaos sos narinzos Etymon srd. Translations French racontar English gossip Spanish habladuría, chisme, rumor Italian dicerìa German Gerücht, Ruf.

trísina , nf: istrísina*, tríxina Definition cosa, allega, chistione chi si narat o chi si cricat chentza importu Synonyms e antonyms bodheta, naravèglia / alleca Sentences cantas trísinas ti batint, a tie, a pes! ◊ no bisonzat a pesare orijas a sas trísinas de sa bidha! Translations French racontar English gossip Spanish rumor, chisme Italian dicerìa German Gerücht.

tzàrra , nf: ciarra, tzàrrala Definition boghes de gente foedhandho, alleghetandho / èssere a tz. posta = tzarrendhe Synonyms e antonyms apísciulu, argiolu 1, arralla, bàdula, ciaciarra, ciaramedha, lúlluru, paraleta, ragàglia / barrosia 2. in su mundu totu cantu curriat sa tzarra de s'imperadori de Roma Etymon itl. Translations French bavardages English yak Spanish cháchara, charla Italian ciarla German falsches Gerücht.