cascadúra , nf Definition sa tzirbisa chi abbarrat a unu trastu de orrobba postu male, cun cosa in pitzu, acrocoedhau, o fintzes a sa pedhe comente s'imbèciat o comente si movet Synonyms e antonyms crispa, frúngia, frungidura, pícia 1, pighizone Etymon srd. Translations French pli, ride English crease Spanish arruga Italian grinza German Falte.

críspa , nf Definition tzirbisa, pinniga siat de sa carre e siat de s'orrobba; nau de sa cara, bisura, chígia Synonyms e antonyms cascadura, frúngia, frungidura, incrispa, pícia 1, pighizone Sentences sa pedhitza si che imberghet in s'abba caente iscontzendhe cada cripa manna o minore 2. cudhos boetones aiant una crispa mala chi faghiat a timire Etymon srd. Translations French pli (faux), ride English wrinkle Spanish arruga Italian créspa, ruga, grinza German Falte, Runzel.

incríspa , nf: incríspia Definition crispa o gaja pitica e a cracu fata apostadamente in is gunnedhas o àteru bestimentu; tzirbisa fintzes de sa carre (pedhe) Synonyms e antonyms frúngia, frungidura, ingruciupidura, ispunza, pighizone, pinnica, tabella Sentences Totoja at fatu camisas chi pariant sachedhos, ma cun s'incríspia deghiant a totus 2. una vena de bufonadura si li legiat in sos ojitos agutzos imbrigliados in duas retzas de incrispas ◊ in sa fronte gighet duas incrispas mannas, semos de su tempus Etymon srd. Translations French plissure, ride English pleating, wrinkle Spanish pliegue (f), plisado Italian pieghettatura, ruga German Fältelung, Falte.

pícia 1 , nf: pígia, pija, pixa, prica, priga Definition genia de síngia, fata a sola o apostadamente, chi abbarrat in sa cosa agguantada a meda ammuntonada o addopiada a forte, cun pesu (mescamente orrobba, paperi, cosa a pígiu, o fintzes in sa pedhe de sa carena) Synonyms e antonyms cascadura, crispa, frúngia, frungidura, pighizone / pinnica Sentences zughiat sas ancutzas che pija de pantalones ◊ bestimenta bene pranciada no giughet pijas ◊ sas pricas de cara contant su chi as patiu ◊ si fit sèmpere acontzendhe sa bunnedha, ponzèndhesi apostu sas pixas ◊ sa pedhe tua est totu a pícias 2. sa munnedha pressada est totu a prigas Surnames and Proverbs smb: Piggia, Pigia Etymon ltn. plica Translations French pli English fold Spanish pliegue Italian pièga German Falte.

pighizòne , nm: pirchizone, prichizone, prighizone Definition genia de pinniga, surchighedhu, atzirbisonadura in s'orrobba, in sa pedhe mescamente comente unu s'imbèciat Synonyms e antonyms crispa, frighizone, frúngia, frungidura, incrispa, pícia 1 Sentences sunt féminas betzas cun sa cara iscrita de milli prighizones ◊ su suore est falàndheli a rios in sos prighizones de cara Etymon srd. Translations French ride English wrinkle Spanish arruga Italian grinza, ruga German Falte.

pinníca, pínnica , nf: pinnicra, pinniga, pínniga, prinniga Definition genia de addopiadura chi si faet de calecuna cosa a pígiu (es. orrobba, paperi) o chi faet a tròchere, e sa síngia puru chi abbarrat (fintzes in sa pedhe: es. in sa manu, bene ladinas in sa pranta); crispa, piega fata apostadamente, pigione o gaja pitica e a cracu chi si faet de longu a una gunnedha o àteru bestimentu; in cobertantza, manera de fàere pagu límpia, unu pagu a ingannu, faendho a crèdere una cosa po un'àtera, a trassa / portai pinnicas che su centubilloni = zúghere filedhos, èssere totu trassas Synonyms e antonyms igrispa, incorta, incrispa, intavella, ispunza, pígia 1, pizigone, tabella, tzimpíniga / astrúscia, filedhos, malíscia, transa Sentences zughet sa cara totu pínnigas ◊ cussu no bolit pinnicas in sa brenti, e papat! 2. cussu portat pinnicas prus de su tiau ◊ cussu portat pinnigas prus de su centubigionis! ◊ ti nd'isciollu is pinnicas, si pigu su bastoni! Etymon srd. Translations French pli, ride, astuce, subterfuge (fig.) English fold, trick Spanish pliegue, ardid Italian pièga, astùzia, sotterfùgio German Falte, List, Ränke.

pizigòne , nm Definition tzirbisa chi si faet a sola agguantandho sa cosa ammurigonada o fintzes apostadamente, bene, in bestimentu Synonyms e antonyms frungidura, igrispa, incorta, incrispa, ispunza, pígia 1, pínnica Etymon srd. Translations French froissure English crease Spanish arruga Italian sgualcitura German Falte.

puzonadúra , nf: apuzonadura Definition genia de pinnigas o gajas chi si faent a una gunnedha pressada, a una camisa Synonyms e antonyms infrissidura, puzonada, teníngiu Etymon srd. Translations French pli English crease Spanish pliegue Italian grinzitura German Falte.

«« Search again