cantèlza , nf, nm: canterza,
cantérgiu,
canterju,
canterzu,
cantrexu,
cantrixu Definition
in sa conca, su tretu de is trempas apresu de s'origa, ue dhu'est s'annoigadórgiu de is duas barras, ma nau fintzes po sa barra de fundhu e po trempa puru, comente po s'annoigadórgiu etotu; bículu, orrugu
Synonyms e antonyms
barra,
iscanterzu,
tempra,
càvana 1
/
cantu
Idioms
csn:
culatzu de canterju = su bóidu de sa buca in fundhu; mantènnere su canterju a unu = parai faci a unu; canterja de cantzellu = canterjale; canterzu de sa domo = trempali, istantarile de sas zannas
Sentences
Taresa no críticat su grodhe gafu, però a ciafu li faghet su canterzu fioridu! ◊ tundhu su pane, tundhu su furru e tundha sa coda de sa mama, su ballu sardu e sos canterjos de sos pitzinnos ◊ candu su pipiu at afortiau a cantrexus si dhi podit donai cosa prus tostada a papai ◊ depes porrire s'àteru canterju pro un'àtera iscavanada?
2.
totu a unu cantrexu, una mustela de procu in sa cardiga fritiedhat in su fogu ◊ sa Sardigna dh'ant ispartzida in cantrexus e donada a genti istràngia
3.
sa gatu fit supra de sas canterjas de su cantzellu
Surnames and Proverbs
prb:
arrisu malu cantrixu trotu
Scientific Terminology
crn
Etymon
ltn.
cant(h)erius
Translations
French
articulation temporale-mandibulaire,
mâchoire,
joue
English
jaw,
cheek
Spanish
articulación temporal- mandibular,
mandíbula,
mejilla
Italian
articolazióne tèmporo-mandibolare,
mascèlla,
guància
German
Kiefer,
Wange.
càvana 1 , nf, nm: càvanu Definition
sa parte lada e prus larga de sa cara a una parte e àtera
Synonyms e antonyms
cantelza,
massidha,
tempra
Idioms
csn:
manigare a unu càvanu = (nadu de duos) èssere a cumone e acordu; ossu de su càvanu = pómulu
Sentences
custu pisedhu zughet sos càvanos prenos e rujos ◊ si tzacat duos pódhiches a buca e ufrandhe che busuca sos càvanos iscapat a fruschiare ◊ comente li dolet una dente che l'at ufradu totu su càvanu ◊ s’anneu l’ifunniat sos càvanos irghelenínneli su coro
2.
frutos tundhos tundhos e maduros parent càvanas de bajanedhas in su menzus fiore!
Scientific Terminology
crn
Translations
French
joue
English
cheek
Spanish
mejilla
Italian
guància
German
Wange.
mansídha , nf: massidha Definition
de is duos ossos chi portant is dentes, pruschetotu sa parte de pitzu (ma si narat de sa barra de asuta puru); sa parte prus in artu de is trempas, sa trempa etotu
Synonyms e antonyms
massidhale
/
càvanu,
trempa
Sentences
fit frobbíndhesi sas làcrimas dae sas massidhas, rujas a fortza de las fricare ◊ tenit su fronti ispatziosu, nasu bèni profilau chi parit èssi pintau, is massidhas purpurinas, is làvuras coradhinas (L.Matta)
2.
una làcrima caente làssinat in sa massidha…
Surnames and Proverbs
smb:
Massidda
Scientific Terminology
crn
Etymon
ltn.
maxilla
Translations
French
mâchoire,
joue
English
jaw,
cheek
Spanish
mandíbula,
mejilla
Italian
mascèlla,
ganàscia,
gòta
German
Kiefer,
Wange,
Backe.