Ditzionàriu in línia
de sa limba e de sa cultura sarda

agéntzia , nf Definition su torracontu chi si ndhe tenet de su giare dinare a préstidu comente si faet ponendhondhe in o pigandhondhe de is bancas Synonyms e antonyms créciu, incherinu, interessu Sentences sos dinaris in banca apo versadu: si ndhe los vogo bi perdo s'agéntzia e ndhe resto corrudu e fustigadu! (G.Ruju) Translations French intérêt English interest Spanish interés Italian interèsse German Zins, Zinsen.

créciu , nm Definition su dinare in prus chi si torrat de unu préstidu Synonyms e antonyms agéntzia, crecu 2, interessu, scrésciu Sentences donamí tanti dinai e ti dongu su créciu de dexi Etymon ctl. cre(i)x Translations French intérêt English interest Spanish interés Italian interèsse German Zins.

incherínu , nm: inchirinu Definition dinare, su tanti in prus chi si torrat a chie ndhe at giau a préstidu Synonyms e antonyms agéntzia, créciu, oriellu Sentences ci est issu, ti prestat su dinare e no ti faet pagae s'incherinu Translations French agio, taux d'intérêt English premium, interest rate Spanish agio, tipo de interés Italian àggio, tasso d'interèsse German Agio, Zinsfuß.

interessaméntu , nm Definition su s'interessare, fintzes in su sensu de amparare o cricare o giare amparu, agiudu, a ccn.; su tènnere contu o contivigiare calecuna cosa o chistione Synonyms e antonyms contibizu, importu Sentences custa fémina no drommit po s'interessamentu chi si pigat ◊ custos amministradores no tenent interessamentu pro sa bidha ◊ Luisicu no cumprendiat totu custu interessamentu de Pàulu po is cosas suas ◊ cun interessamentos est ammissu in d-un'orfanotrófiu, in s'istitutu inue de s'anzenu contribbutu vivent àteros símiles a issu (Zizi)◊ cudh'impiegadu trabagliaiat in banca gràscias a s'interessamentu sou Translations French intérêt English interest Spanish interés Italian interèsse, interessaménto German Interesse.

torracóntu , nm Definition cosa chi torrat a contu, cabbale, badàngiu, frutu, cosa de bonu chi si ndhe tenet fintzes in su sensu de andhare méngius, de èssere prus cumbeniosu Synonyms e antonyms badagnu, gadagnu, gagnu, gualanzu, lucru, profetu / cumbénia | ctr. pérdua Sentences sa zente crobaiat prus torracontu a si leare cartzamenta fata Translations French avantage, profit English profit Spanish interés, provecho Italian tornacónto German Nutzen.