Ditzionàriu in línia
de sa limba e de sa cultura sarda

arrabbugíu , agt, nm: arrebbuginu, arrebbugiu, arrebugiu, arribbugiu, arribugiu, rebbugiu Definition chi o chie no tenet perunu arrespetu po àtere, chi no iscurtat, no ponet mente, una ndhe pentzat e chentu ndhe faet; chi est de naturale malu, trotu, berbétigu, malu, de trassas malas / in A. Liori, Sa cancione …: "toppa nel muro, rabbercio, truffatore" Synonyms e antonyms corroedhu, malu, mauchedhu Sentences a su piciochedhu no dhu boliant promovi in iscola de cantu fiat arrebbugiu ◊ faci de arrabbugiu pudésciu! ◊ ma càstia un'arrebugiu a si ponni a arropai su tzerachedhu!…◊ seus tropu arrebbugius e pretendeus chi Gesugristu si agiurit! ◊ fémmina arrebbugia, ómini corriatzu e genti pretocada no cicat mai morti! ◊ arribugiu sias! Scientific Terminology ntl Etymon ctl. rebuig Translations French scélérat English wicked, impudent (person) Spanish travieso, insolente Italian cattivóne, monellàccio, sfacciato, strafottènte German schlimmer Lausbub, frech.

faciúdu , agt: fatzudu, fatzutu Definition nau de ccn., chi portat face manna, chi est ifaciu, no sentit bregúngia Synonyms e antonyms assudu, atzilosu, carimannu, facidostu, facimannu, ifaciu | ctr. bergungiosu, cocode, gavardu Sentences prontu de paràulas e fatzutu, chene meta si pistichinzare li rispondhet ◊ no che at àtera faciuda chi ti potat superare, essindhe a ziru… nuda! ◊ faciudu irbirgonzadu! ◊ su faciudu campat Scientific Terminology ntl Etymon srd. Translations French dévergondé, effronté English insolent Spanish insolente, descarado Italian spudorato, sfacciato, strafottènte German frech.

forrighítu , agt, nm Definition chi o chie cricat forrogos prus de cantu depet e de mala manera, esagerandho e ofendhendho, chi cricat chistiones, lorodhos, chèscias; nau de fémina, fintzes chi dhi praghent is ómines Synonyms e antonyms brisca, caricotu, discaradu, facesola, iscaressidu, murribistu, scundiu, sfaciu 2. sas sorres si sunt betadas cun ómines, si sunt lassadas guastare ca in domo fint pòveros e issas fint forrighitas (M.Bua) Scientific Terminology ntl Etymon srd. Translations French insolent English insolent Spanish insolente Italian insolènte German frech, Frechling.

isbarritàdu , pps, agt Definition de isbarritare; chi est chentza reguardu perunu 2. ses lassendhe sa pessone mia cun piaes e cun rancore, isbarritadu! Translations French irrespectueux English irreverent Spanish insolente Italian irriguardóso German ungebührlich.

ispiàchidu , agt Definition chi tenet maneras de fàere pagu educadas Synonyms e antonyms burrincatzu, gavàciu, intrudhadu, mabigrabbau, scurrégidu | ctr. ammodau, grabbosu Translations French grossier, impoli English impolite Spanish maleducado, insolente Italian screanzato German ungezogen.

ispulíticu , agt Definition chi est maleducau / faedhos ispulíticos = peràulas rassas, porcarias Synonyms e antonyms dispulítigu, ispuliticadu, sbucaciau, scurrégidu, sfaciu | ctr. educau Etymon srd. Translations French grossier English rude Spanish insolente, grosero Italian villano, screanzato German ungezogen

scundíu , agt Definition chi no est cundhiu, ma nau solu de unu chi no sentit bregúngia nudha e foedhat o faet a face manna, tropu a botu, chentza arrespetu Synonyms e antonyms brisca, caricotu, discaradu, facesola, forrighitu, iscaressidu, murribistu, scurrégidu, sfaciu Sentences is óminis, candu si acatant chi una fémina est tropu afrodhiera, circant de s'ispassiai e diventant scundius ◊ funt scundias che ous e atrivias che cabonischedhus pitius ◊ arratza de cristianu scundiu, mi ndi at pigau sa panara! ◊ cussu scundiu campat de s'allenu! Surnames and Proverbs prb: a cuadhu scundiu funi cúrcia! Scientific Terminology ntl Etymon spn. escondido Translations French insolent English insolent Spanish insolente Italian insolènte German unverschämt.

scurrégidu, scurrégiu, scurregíu , agt: iscurregidu*, scurrígiu Definition nau de ccn., chi tenet maneras de fàere grusseras, pagu educadas, chentza arrispetu Synonyms e antonyms disbaratadu, discassatu, irregradu, irvetadu, isbaratadu, ispiàchidu, malechischiau | ctr. corregidu Sentences est scurrégiu puru, mancai pitichedhu! ◊ is cabbinas po telefonai no funtzionant ca sa genti scurrégia no dhas arrispetat e dhas arrogat ◊ cussu scurregiu po dónnia cosa narat fuedhus maus Translations French irrespectueux, irrévérencieux, grossier, indiscipliné, impoli English rude, undisciplined Spanish insolente, irrespetuoso, indisciplinado, grosero Italian irrispettóso, screanzato, irriverènte, indisciplinato, incivile German respektlos, ungezogen, undiszipliniert, unzivilisiert.