Ditzionàriu in línia
de sa limba e de sa cultura sarda

arragòta , nf: arregota, arregolta, arregorta, arrigorta, regolta Definition su arregòllere; sa cosa chi si arregollet (fintzes matéria chi si faet in is segadas, in is freaduras); su tempus chi si arregollet sa cosa / a pagai a s'a. = a s'incunzada, candho s'incúngiat Synonyms e antonyms acasàgiu / acogliera, assodhidura, cabigiulada, collia, collinzu, tódhida / ancúngia, incunzada / incunza Sentences depiat èssere calchi ànima in giru chentza arregolta 2. bella fut sa lorantza e promitiat una bella arregorta ◊ s'iscapat tropu ranu a manu isolta podet fèrrere a sèmene su trigu e guastare totu s'arregolta (A.Casula)◊ in die de arregorta volat sa paza in bratzos de su ventu (T.Cherchi) 3. sa ferida dhi podit fai arregorta Etymon srd. Translations French récolte English harvest Spanish recogida, cosecha Italian raccòlta, raccòlto German Sammlung, Ernte.

collidúra , nf: cullidura Definition su collire, nau pentzandho prus che àteru a sa manera de dhu fàere Synonyms e antonyms acàbidu, collinzu, sortidura Sentences arratza de collidura chi mi ant fatu, de s'olia, totu a bàllios: ndhe ant cambadu su mesu! Etymon srd. Translations French récolte English raising Spanish recolección, cosecha Italian raccòlta German Sammlung.

incúgna , nf: ancúngia, incúngia, incunza Definition totu su chi produet su trebballu de sa terra e si arregollet de su sartu a provista (ma si narat fintzes de css. intrada o badàngiu o profetu); su tempus de ndhe arregòllere sa cosa de su sartu Synonyms e antonyms arragota / incunzada Idioms csn: a i. fata = apustis de s'incunza, acabbau de fai s'incúngia; a incúngias = a s'incunzada; incunza de su binu = iscubonadura Sentences betat s'arzola cun tribàgliu e munza pro nachi ndhe àere achistu e profetu e benit a su tempus de s'incunza chi mancu giustu ndhe torrat su betu! (M.Murenu)◊ su messaju timet chi su fogu li brujet s'incunza ◊ in s'istadi si fait s'incúngia de sa linna po s'ierru 2. a s'incunza m'iscútino sa runza, chi mi che apo a bogare sos dépidos! ◊ a incúngias bos apo a giare fae e pisu ◊ non podeus ispetare a incúngias po papare! Etymon srd. Translations French récolte English harvest Spanish cosecha Italian raccòlto German Ernte.

mèssa , nf Definition su messare, su trebballu de ndhe segare su laore a messadura; su tempus chi s'istat messandho Synonyms e antonyms messera, messóngiu, messura Sentences sa messa dh'apo fata totu a solu, no apo cricau is àteros! Scientific Terminology msg Etymon srd. Translations French moisson English reaping (time) Spanish cosecha Italian mietitura German Mähen, Mahd, Erntezeit.