Ditzionàriu in línia
de sa limba e de sa cultura sarda

connàdu , nm: connatu, connau Definition parente de intradura, su frade o fintzes fradile de sa pobidha o de su pobidhu, su pobidhu de una sorre, de una sorresta Sentences dego a connaos tuos los impreo in segheria bastet chi tue abbarres in tretos tuos Scientific Terminology ptl Etymon ltn. cognatus Translations French beau-frère English brother inlaw Spanish cuñado Italian cognato German Schwager.

corfàrju , nm: crofàriu, cunflàriu Synonyms e antonyms cufrade Sentences mortos cheria, chi corfarjos za ndhe acato! ◊ a fàghere custas cosas ite brigonza li est a unu crofàriu! Etymon ctl. confrare Translations French confrère English brother Spanish cofrade Italian confratèllo German Bruder.

cufràde , nm: cunfrade, cunfradi, cunfrara, cunfrari, cunfraru Definition ómine chi faet parte de una cunfraria Synonyms e antonyms corfarju, germanu 1 Sentences iant biu pantàsimas bistius de cunfraris ◊ a chini est cunfrara pigat candela! ◊ a sa portessione bi aiat ómines bestidos de cufrades ◊ is cunfraras intrant a crésia incarreraus unu infatu de s'àteru Etymon ctl., spn. confrare + cofrade Translations French confrère English brother Spanish cofrade Italian confratèllo German Bruder.

fàdre , nm: farde, fardi, frade, fradi, frai, frari, frate Definition chie est fígiu de sa matessi mama e/o de su matessi babbu de un'àteru (o àtera), de sa matessi carre (e deosi si narat fintzes chentza agt. possessivu candho si foedhat in 1ˆ pers., comente si faet naendho babbu, mamma); chie s'istimat forte / min. fradaredhu, fradichedhu, fradigedhu; a logos narant fadre Synonyms e antonyms carrale Idioms csn: frades de perra, frades de una bentre = cróbinos, fizos de sa matessi mama nàschidos paris; f. concóinu = conchivinu, frade de unu letu, de unu lados, nàschidu de sa matessi mama e diferente babbu o de su matessi babbu e diferente mama; f. de tita = chi at sutu de sa matessi mama de un'àteru chentza li èssere fizu; frades de capa = cunfrades de una cunfraria; èssere che frades = istimaisí, èssiri amigus meda; Frades Lenos (Longos, Masedos)= su sonnu, Mariànghela, Peilébiu; Is Seti Fradis = sas sete puntas prus artas de sos montes de sa Sardinna sud-orientale, (faedhendhe de istedhos) sa Mandra Cràbina, itl. Gran carro o Òrsa maggiore (su primu istedhu, su de punta, si narat "truvadore") Sentences is istimentos de is frades o sorres prus mannos dhos lassant a is prus pitios ◊ in domo bi fint Zuanne frade, Bantine frade tou, Bachis Ruju e Boredhu su frade ◊ cussos duos si assemizant ca sunt frades ◊ frai tuu fiat giai iscatulau, a fai totu custus testamentus! (A.Garau)◊ su frade de Maria fut intrau e furint alleghetandho ◊ cussu est fradi miu mannu ◊ candu fradi at incumentzau a isparai, in cassa, su callelledhu miu s'est fuiu! 2. frade ti est su niedhu, su ruju, su biancu, su grogu ◊ ti est frade su faedhu serenu caru e francu subr'a dogni colore e dogni zente (I.Virdis)◊ ainnanti essint is frades de capa faendho sa crufessone 3. su pitzinnu si lu sunt inghiriendhe Frades Lenos… Scientific Terminology ptl Etymon ltn. frate(m) Translations French frère English brother Spanish hermano Italian fratèllo German Bruder, Genosse.