Ditzionàriu in línia
de sa limba e de sa cultura sarda

connàdu , nm: connatu, connau Definitzione parente de intradura, su frade o fintzes fradile de sa pobidha o de su pobidhu, su pobidhu de una sorre, de una sorresta Frases dego a connaos tuos los impreo in segheria bastet chi tue abbarres in tretos tuos Terminologia iscientìfica ptl Ètimu ltn. cognatus Tradutziones Frantzesu beau-frère Ingresu brother inlaw Ispagnolu cuñado Italianu cognato Tedescu Schwager.

corfàrju , nm: crofàriu, cunflàriu Sinònimos e contràrios cufrade Frases mortos cheria, chi corfarjos za ndhe acato! ◊ a fàghere custas cosas ite brigonza li est a unu crofàriu! Ètimu ctl. confrare Tradutziones Frantzesu confrère Ingresu brother Ispagnolu cofrade Italianu confratèllo Tedescu Bruder.

cufràde , nm: cunfrade, cunfradi, cunfrara, cunfrari, cunfraru Definitzione ómine chi faet parte de una cunfraria Sinònimos e contràrios corfarju, germanu 1 Frases iant biu pantàsimas bistius de cunfraris ◊ a chini est cunfrara pigat candela! ◊ a sa portessione bi aiat ómines bestidos de cufrades ◊ is cunfraras intrant a crésia incarreraus unu infatu de s'àteru Ètimu ctl., spn. confrare + cofrade Tradutziones Frantzesu confrère Ingresu brother Ispagnolu cofrade Italianu confratèllo Tedescu Bruder.

fàdre , nm: farde, fardi, frade, fradi, frai, frari, frate Definitzione chie est fígiu de sa matessi mama e/o de su matessi babbu de un'àteru (o àtera), de sa matessi carre (e deosi si narat fintzes chentza agt. possessivu candho si foedhat in 1ˆ pers., comente si faet naendho babbu, mamma); chie s'istimat forte / min. fradaredhu, fradichedhu, fradigedhu; a logos narant fadre Sinònimos e contràrios carrale Maneras de nàrrere csn: frades de perra, frades de una bentre = cróbinos, fizos de sa matessi mama nàschidos paris; f. concóinu = conchivinu, frade de unu letu, de unu lados, nàschidu de sa matessi mama e diferente babbu o de su matessi babbu e diferente mama; f. de tita = chi at sutu de sa matessi mama de un'àteru chentza li èssere fizu; frades de capa = cunfrades de una cunfraria; èssere che frades = istimaisí, èssiri amigus meda; Frades Lenos (Longos, Masedos)= su sonnu, Mariànghela, Peilébiu; Is Seti Fradis = sas sete puntas prus artas de sos montes de sa Sardinna sud-orientale, (faedhendhe de istedhos) sa Mandra Cràbina, itl. Gran carro o Òrsa maggiore (su primu istedhu, su de punta, si narat "truvadore") Frases is istimentos de is frades o sorres prus mannos dhos lassant a is prus pitios ◊ in domo bi fint Zuanne frade, Bantine frade tou, Bachis Ruju e Boredhu su frade ◊ cussos duos si assemizant ca sunt frades ◊ frai tuu fiat giai iscatulau, a fai totu custus testamentus! (A.Garau)◊ su frade de Maria fut intrau e furint alleghetandho ◊ cussu est fradi miu mannu ◊ candu fradi at incumentzau a isparai, in cassa, su callelledhu miu s'est fuiu! 2. frade ti est su niedhu, su ruju, su biancu, su grogu ◊ ti est frade su faedhu serenu caru e francu subr'a dogni colore e dogni zente (I.Virdis)◊ ainnanti essint is frades de capa faendho sa crufessone 3. su pitzinnu si lu sunt inghiriendhe Frades Lenos… Terminologia iscientìfica ptl Ètimu ltn. frate(m) Tradutziones Frantzesu frère Ingresu brother Ispagnolu hermano Italianu fratèllo Tedescu Bruder, Genosse.